Gjatë ditës së sotme KQZ-ja do të bëjë shpërndarjen e materialit sensitiv në të gjitha komunat e Kosovës, në mënyrë që nesër në orët e hershme të mëngjesit të bëhet shpërndarja nëpër qendrat e votimit.
Këtë e ka bërë të ditur zëdhënësi i KQZ-së Valmir Elezi, i cili tha për KosovaPress, se tanimë ata kanë bërë të gjitha përgatitjet për ditën e nesër që qendrat e votimit të hapen në orën 07:00.
Ai tha se gjatë ditës së sotme do të bëhen gati qendrat e votimit duke vendosur shenjat njoftuese, poe gjithashtu do të bëhet shpërndarja e materialit sensitiv në gjithë Kosovën.
“Sa i përket Komisionit Qendror të Zgjedhjeve tashme të gjitha përgatitjet janë përmbyllur, gjatë ditës së sotme do të bëhet rregullimi i vendvotimeve, pra do të vendosen kabinat e votimit dhe shenjat tjera njoftuese nëpër vendvotime… Sot materialet sensitive që do të thotë fletëvotimet dhe materialet tjera të ndjeshme do të shpërndahen në të gjithë komunat e Kosovës, ndërkaq nesër, të dielën në orën e hershme të mëngjesit nga depot e komisioneve komunale të zgjedhjeve, materialet do të dërgohen në qendrat e votimit. Shpërndarje e materialeve do të bëhet nën përcjellje, pra në masa sigurie, nën përcjelljen e Policisë së Republikës së Kosovës”, tha Elezi, raporton KP.
Elezi theksoi se për zgjedhjet lokale të ditës së nesërme kanë të drejtë vote 1 milion e 890 mijë e 952 votues, derisa, do të jenë 899 qendra votimi me 2505 vendvotime.
Po ashtu, ai shtoi se Komisioni Qendror i Zgjedhjeve ka akredituar më shumë se 33 mijë vëzhgues të cilët do të përcjellin procesin zgjedhor. Prej tyre, rreth 29 mijë iu takojnë subjekteve politike të cilat janë certifikuar për të marrë pjesë në këto zgjedhje, ndërsa, rreth 3.700 vëzhgues do të jenë nga organizatat joqeveritare.
Elezi tha se KQZ-ja do t’ua mundësojë edhe personave me nevoja të veçanta që të votojnë.
“Gjatë ditës së nesërme Komisioni Qendror i Zgjedhjeve do t’iu mundësoj edhe personave me nevoja të veçanta për të votuar. Kjo do të bëhet përmes ekipeve mobile lëvizëse të cilët do të shkojnë në vendbanime apo në adresa të caktuara. Janë 118 ekipe të tilla të formuara nga ana e komisionit qendror të zgjedhjeve. Votuesit me nevoja të veçanta janë të ndara në tri kategori. Fillimisht votuesit e ngujuar në shtëpi, të cilët nuk mund të dalin nga shtëpitë e tyre për të votuar dhe për të shkuar në vendvotimin e rregullt për shkak të paaftësisë fizike shëndetësore ose të ndonjë paaftësie tjetër, bëhet fjale për diku rreth 1600 votues të kësaj kategorie, ndërkaq për votuesit me lëvizje të kufizuar në ndonjë institucion, pra bëhet fjalë për votuesit në hospitalizim, pastaj njerëzit e moshuar nëpër shtëpitë veçanërisht të caktuara për këtë kategori, votuesit që janë pastaj nën kujdes shëndetà «sor, të burgosurit në burgje dhe të paraburgosurit në qendrat e paraburgimit, në këtë kategori janë 1506 qytetar me të drejt vote për të cilët KQZ do të dërgojë ekipe mobile lëvizëse”, theksoi ai.
Sipas tij, në përgjithësi në kuadër të kategorisë së personave me nevoja te veçanta dhe rrethana të veçanta, numri i përgjithshëm i votuesve të cilët do të mund të votojnë përmes ekipeve mobile lëvizëse është rreth 3.200./Telegrafi/
Promo
Reklamo këtuLufta Prigozhin - Putin
Më shumëNga Rubrika
“E ardhmja në të kaluarën: Kujtime të Kosovës” – miku i shqiptarëve John Hodgson promovon librin ku shpalos ngjarjet politike të viteve ’80-ta
Në institucionet e arsimit të lartë në Maqedoni punojnë 4.656 mësues dhe bashkëpunëtorë
Përdhunuan 31-vjeçarin me probleme mendore, gjykata merr vendim për dy të arrestuarit
Kurti ironizon me ushtrimet e ushtrisë serbe: Paraqesin ndotje të ajrit e tokës
Kurti përmendi Thaçin në 11 vjetorin e marrëveshjeve në Bruksel, reagon Çitaku: E di që po të mungon, duro dhe pak - dielli do të lind përsëri
SHBA-ja synon ta "fortifikojë" Ballkanin Perëndimor
Osmani: Do ta njoftojë qeverinë për sulmin në Banjskë, pastaj do të vendoset për Ballkanin e Hapur
Maqedonci ngre alarmin: Tensionet vazhdojnë, Serbia të mërkurën do të testojë dronë kamikazë në kufi me Kosovën
Marrëveshja mes Kosovës e Serbisë, Kurti: Në këtë 11-vjetor shteti serb në Peshter të Sanxhakut do të lansojë ushtrime me dronë luftarakë kamikazë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi