Kryetari i komunës së Gjakovës, Ardian Gjini ka reaguar pas lajmit se disa qytetarë të komuniteteve joshumicë nuk janë shërbyer në një lokal në këtë komunë.

Gjini përmes një postimi në Facebook, ka shkruar se në në Kosovë nuk ka vend për kurrfarë diskriminimi.

Ai ka postuar një fotografi ku shihet i shoqëruar nga një pjesëtar i komunitetit rom, në një kafiteri në Gjakovë.

Më këtë rast, Gjini ka lënë edhe një mesazh: “Le të nxjerrim mësim të gjithë dhe të mos i përsërisim gabimet. Na kushtojnë të gjithëve”.

Postimi i plotë:

Unë po pi kafe me Florentin!

Florenti është një djalë i jashtëzakonshëm, mik dhe mbështetës i imi në zgjedhjet e fundit.

Reklama

Në vendin tonë nuk duhet të ketë vend për kurrfarë diskriminimi.

Reklama

Le të nxjerrim mësim të gjithë dhe të mos i përsërisim gabimet. Na kushtojnë të gjithëve! /Telegrafi/