Kompania më e madhe botërore për teknologji virtuale, EON Reality ka zgjedhur Kosovën dhe UBT-në, si partner implementues, që të bëjë investimin më të madh direkt në Kosovë që nga paslufta, njëherësh edhe dhe të vetmin në Ballkan, për hapjen e Qendrës për Realitet Virtual dhe të Shtuar.
Kjo qendër do të jetë burim i gjenerimit të produkteve virtuale, që do të ndryshojë rrënjësisht dhe përgjithmonë mënyrën e qasjes ndaj problemeve dhe zgjidhjen e tyre, teksa do të shndërrohet edhe në gjenerues të qindrave vendeve të punës dhe të shpalosjes së pasionit dhe talentit për të rinjtë nga Kosova dhe mbarë rajoni.
Tridhjetë (30) milionë dollarë është shuma që EON Reality do ta ndajë për ndërtimin e kësaj qendre, që do të shndërrohet në një laborator të krijimit dhe të jetësimit të metodave më inovative teknologjike, që do ndryshojnë përgjithmonë zgjidhjen e problemeve industriale, por veçanërisht do të fokusohet në ndryshimin e sistemit arsimor në Kosovë dhe më gjerë.
Përmes Qendrës për Realitet Virtual dhe të Shtuar, në sistemin arsimor të Kosovës do të instalohet sistemi arsimor i së ardhmes, ku gjeneratat e reja shumë shpejt do të fillojnë që të mësojnë duke praktikuar (Learning by Doing).
Rektori i UBT-së, Prof. dr. Edmond Hajrizi tha se investimi për hapjen e një qendre të tillë e dërgon Kosovën në një nivel tjetër të shfrytëzimit të teknologjisë dhe e vendos përkrahë shteteve më të zhvilluara të botës.
“Ky investim madhor në shtetin tonë do të mundësojë krijimin e një platforme për të rinjtë tanë, e cila deri dje ishin ëndrra jonë më e madhe, kurse tani gjeneratat e reja do të mësojnë me teknologjitë më të reja botërore, që ndikon në krijimin e kompetencave më të qëndrueshme dhe që do t’i përvetësojnë shumë më shpejt”, theksoi Hajrizi.
Ai e falënderoi EON Reality që ka besuar se UBT do ta jetësojë këtë qendër dhe do t’i dalë në ndihmë shoqërisë, teksa shprehu konsideratë edhe ndaj kësaj të fundit, për faktin se i ka mirëpritur me shumë lehtësi ndryshimet e tilla kaq rrënjësore teknologjike.
Presidenti i EON Reality, Dan Lejerskar, duke e shprehur interesimin e madh për të jetësuar këtë qendër, tregoi për të pranishmit të arriturat më të mëdha, bashkëpunëtorët dhe implementuesit e teknologjisë së realitetit virtual, si dhe të ardhmen që do ta sjellë realiteti virtual.
Ai tha se kompanitë më të mëdha botërore po e shfrytëzojnë realitetin virtual për të krijuar produktet e tyre, për t’i minimizuar kostot dhe për t’i rritur fitimet. Sipas tij, një sistem i tillë do të instalohet përmes kësaj qendre edhe në Kosovë, dhe përmes Kosovës e UBT-së, edhe në vendet e tjera të rajonit.
“Do ta ndërtojmë këtë qendër për të zhvilluar dhe instaluar një mentalitet dhe sistem të ri të të mësuarit dhe punuarit në Kosovë. Zhvillimi i teknologjisë e ka ulur nevojën për forcë punëtore, por njëkohësisht është shtuar nevoja për njerëz që kanë shkathtësi teknologjike dhe që kanë njohuri në përshtatjen e inteligjencës artificiale me nevojat e njerëzve në kohët e sotme”, konstatoi Lejerskar.
Që prej vitit 2001, UBT ka qenë nismëtar për sjelljen e inovacioneve të fundit teknologjike në Kosovë. Me të gjitha arritjet e deritanishme, është zgjeruar rrjeti i bashkëpunëtorëve vendorë e ndërkombëtarë, të cilët falë UBT-së, Kosovën nuk e konsiderojnë më vetëm si shfrytëzues të vlerave dhe njohurive të të tjerëve, por edhe si shtet partner të barabartë në dhënien e kontributit për ngritjen e vlerave shkencore në botë. /Telegrafi/
Lufta Prigozhin - Putin
Më shumëPo lulëzojnë ofertat n’BAU MARKET
Afër detit, afër mbretit - Mbreti i "Holiday In 2" po t'fton në fron
Mustafa, Rrustemit: U mundove me thanë që LVV e pa korruptuar, por kryeshefi i KEK-ut që e keni emëruar u arrestua për korrupsion e kontrata njëburimore
Kontratat njëburimore, Tahiri përplaset me Kusari-Lilën: Dëgjoni, mos u bëni të pasjellshëm
Abonohu në Shqip.ai - Zbulo pakot e reja të çmimeve
Si t’i japim vlerë partneritetit në biznes?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes