Gjatë vizitës së presidenti rus Vladimir Putin në Serbi ku pos takimeve zyrtare, ai është pritur edhe nga qytetarë që e duartrokisnin.

Mirëpo gjatë vizitës në kishën Shën Sava të Beogradit, ndodhi diçka që fillimisht mediat në Serbi e raportuan si “incident”, pasi policia dhe organet e tjera të sigurisë u detyruan të intervenojnë dhe ta kontrollojnë një veturë që kishte targa të Shqipërisë, transmeton Telegrafi.

Sipas mediave serbe, autoritetet e sigurisë ishin alarmuar me të parë targat me regjistrim të Shqipërisë ku në afërsi të kishës ku po qëndronin nikoqiri, presidenti serb Aleksandar Vuçiq dhe presidenti rus Putin, ishte parkuar edhe vetura.

Për autoritetet e sigurisë vetura me targa të Shqipërisë u është dukur e dyshimtë, kështu që menjëherë reaguan duke e kontrolluar në detaje.

Megjithatë, në fund gjithçka u qartësua dhe doli të jetë një alarm i rremë, pasi që vetura në fakt i përkiste një diplomati rus që shërben në ambasadën ruse në Shqipëri, dhe se vetura ishte pronë e ambasadës. Ndërkaq diplomati rus raportohet se kishte shkuar zyrtarisht në Beograd. /Telegrafi/