LAJMI I FUNDIT:

Galaxy Fold mund të lansohet në treg muajin e ardhshëm, së bashku me lojën Traha

Galaxy Fold mund të lansohet në treg muajin e ardhshëm, së bashku me lojën Traha

Udhëtimi i Samsung drejt lansimit të telefonit të palosshëm ka qenë i gjatë dhe i mbushur me vështirësi deri më tani. Para se të dilte në treg, pati disa raporte sipas të cilave Fold hasi probleme funksionale, siç ishte ekrani i prishur.

Pas këtyre raportimeve, prodhuesi i telefonave të Koresë së Jugut anuloi të gjitha para-porositë për pajisjen dhe e shtyu datën zyrtare të lansimit për një kohë të paspecifikuar në të ardhmen.

Sipas Max Weinbach, një burim i paidentifikuar e njoftoi atë se Fold Galaxy mund të dalë në treg qysh në muajin e ardhshëm, në korrik të vitit 2019.

Përveç kësaj, një faqe koreane e lajmeve pohon se një punonjës i Samsung foli me një gazetar në Aeroportin Ndërkombëtar të Gimpo, Seul, duke zbuluar se Samsung Galaxy Fold ndoshta do të debutoj në korrik dhe se një konferencë për shtyp do të mbahet para se telefoni të lansohet.

Thashethemet si kjo kanë qenë në qarkullim që nga koha kur Samsung shtyu lansimin në treg të Galaxy Fold.

Vetëm muajin e kaluar, një tjetër agjenci koreane e lajmeve – Yonhap – pohoi se Samsung po testonte pajisjen me transportuesit vendas dhe planifikoi të lansonte pajisjen e palosshme në qershor.

Duke folur për Galaxy Fold, një tjetër burim pohoi së fundmi se Samsung po punon në bashkëpunim me krijuesin e lojërave koreane Nexon për të krijuar lojën e parë ekskluzive për telefonin e tyre të palosshëm.

Me sa duket, loja Traha e krijuesit Nexon do të jetë loja e parë e krijuar posaçërisht për Galaxy Fold.

Zhvilluar duke përdorur Unreal Engine 4 nga zhvilluesi indie Moai Games, Traha është një lojë telefonike MMORPG dhe tashmë është në dispozicion për shkarkim për përdoruesit e Koresë së Jugut.

Burimi sugjeron se loja mund të lansohet në të njëjtën ditë si Galaxy Fold. /Telegrafi/

Në trend Teknologji

Më shumë
Kamera më e shpejtë në botë mund të regjistrojë 156.3 trilionë korniza në sekondë

Kamera më e shpejtë në botë mund të regjistrojë 156.3 trilionë korniza në sekondë

Teknologji
Google prezanton funksionin e ri që ju ndihmon me blerjet online

Google prezanton funksionin e ri që ju ndihmon me blerjet online

Teknologji
Kur funksionet e Galaxy AI do të jenë të disponueshme në telefonat më të vjetër të Samsungut

Kur funksionet e Galaxy AI do të jenë të disponueshme në telefonat më të vjetër të Samsungut

Teknologji
Miliarda përdorues të WhatsApp do të fitojnë përditësime me Inteligjencë Artificiale

Miliarda përdorues të WhatsApp do të fitojnë përditësime me Inteligjencë Artificiale

Teknologji
Samsung ka lëshuar përditësimin e sigurisë të radhës për serinë Galaxy S24, i cili vjen me përmirësimet edhe të kamerës

Samsung ka lëshuar përditësimin e sigurisë të radhës për serinë Galaxy S24, i cili vjen me përmirësimet edhe të kamerës

Teknologji
Safari është shfletuesi i dytë më i përdorur në botë në desktop

Safari është shfletuesi i dytë më i përdorur në botë në desktop

Teknologji
Kalo në kategori