Frutex instalon 1200 kWh panele solare për të rritur efikasitetin energjetik

Kompania Frutex ka bërë një hap të rëndësishëm drejt energjisë së qëndrueshme, duke realizuar një investim të madh në fushën e energjisë së ripërtëritshme.

Në ambientet e saj, janë instaluar panele solare me kapacitet total prej 1200 kWh.

Ky projekt ka për qëllim jo vetëm rritjen e efikasitetit energjetik të kompanisë, por edhe zvogëlimin e ndikimit mjedisor që shkaktohet nga përdorimi i burimeve tradicionale të energjisë.

Sipas kompanisë, me këtë sistem tashmë mbulohen rreth 30 për qind e nevojave të tanishme për energji elektrike.

Nga Frutex kanë bërë të ditur se synimet për të ardhmen janë edhe më ambicioze.

Ata planifikojnë të zgjerojnë kapacitetet e prodhimit të energjisë solare në mënyrë që në vitet e ardhshme një pjesë edhe më e madhe e konsumit të energjisë të mbulohet nga burimet e ripërtëritshme.

Kompania Frutex njihet për aktivitetin e saj në industrinë ushqimore dhe pijeve, ndërsa me këtë investim tregon angazhimin për zhvillim të qëndrueshëm dhe përgjegjësi ndaj mjedisit.