Frankfurter Allgemeine Zeitung: Qeveria e RMV-së korrupsion në emër të BE-së
Premtimi i socialdemokratëve kur morën pushtetin në vitin 2017, për një betejë vendimtare me korrupsionin, nuk është realizuar. Në një shkrim të gazetës gjermane, Frankfurter Allgemeine Zeitung, politika e kryeministrit Dimitar Kovaçevski dhe ekipit të tij kështu mund të përshkruhet si – korrupsioni në emër të BE-së.
Premtimi i socialdemokratëve kur morën pushtetin në vitin 2017, për një betejë vendimtare me korrupsionin, nuk është realizuar. Ky është konstatimi që bëhet në një shkrim të gazetës gjermane Frankfurter Allgemeine Zeitung që i kushtohet Maqedonisë, sipas së cilës korrupsioni qeveritar fshihet pas flamurit të BE-së. Njerëzit në Maqedoninë e Veriut janë mësuar me faktin se korrupsioni është një e keqe e vazhdueshme në vendin e tyre. Fillon shkrimi i titulluar – Korrupsion në emër të BE-së. Skandali më i fundit në Onkologji cilësohet si aferë skandaloze edhe për standardet lokale.
“Sipas hulumtimit me të cilin në ndërkohë po merret edhe organet e drejtësisë”, shkruan më tutje FAC, “supozohet se në Klinikën e Onkologjisë në Shkup sistematikisht janë vjedhur barna të shtrenjta dhe janë shitur në tregun e zi. Për këtë qëllim janë gjetur pacientë fiktive, të cilëve u është llogaritur trajtimi. Disa nga pacientët e vërtetë iu dha një placebo, shumë vdiqën. Në raste të tjera, familjet e pacientëve është dashur t’i blejnë barnat në tregun e zi, edhe pse sipas sigurimit shëndetësor duhet të ishin falas për ta”. Këto zbulime, shkruan gazeta gjermane, vetëm sa përforcojnë praktikën e vërejtur më parë se “Kushdo që duhet t’i nënshtrohet një procedure të rëndësishme mjekësore, do të preferonte të përdorte kursimet e fundit ose të merrte një kredi për trajtim jashtë vendit sesa të ekspozohej ndaj sistemit vendas të kujdesit shëndetësor”.
Por pavarësisht këtij skandali, FAC komenton se një gjë mund të konkludohet – premtimi i socialdemokratëve kur morën pushtetin në vitin 2017, për një betejë vendimtare me korrupsionin, nuk është realizuar. “Zaev premtoi se do të pastrojë trashëgiminë korruptive të paraardhësit të tij Gruevski. Por vështirë se do të gjeni dikë në Maqedoninë e Veriut që të besojë se ky premtim është përmbushur. Përkundrazi, mazhoranca beson se korrupsioni i njërës palë është zëvendësuar nga korrupsioni i palës tjetër”, shkruan FAC. Dallimi, sipas gazetës, është vetëm në retorikën shoqëruese.
“Gruevski u paraqit si një nacionalist i ashpër dhe “patriot”. Socialdemokratët në pushtet dhe partnerët e tyre nga komuniteti etnik shqiptar paraqiten si ‘pro-evropianë’ dhe e drejtojnë plotësisht politikën e tyre drejt anëtarësimit në BE”. Si shembull shtesë në këtë drejtim, FAC përmend ndryshimet në Ligjin Penal nga shtatori i këtij viti, me të cilat u hoqën apo u reduktuan dënimet për keqpërdorim të detyrës zyrtare.
“Presidenti Stevo mund të kishte shfrytëzuar të drejtën e vetos, por ai i nënshkroi menjëherë amendamentet. Por BE-ja i rezistoi përpjekjes për t’u keqpërdorur nga qeveria dhe presidenti si një justifikim për abuzimet e brendshme politike që përfaqësojnë një kthim prapa në luftën kundër korrupsionit. Korrupsioni në emër të BE-së, kështu mund të përshkruhet politika e kryeministrit Dimitar Kovaçevski dhe ekipit të tij”, thekson FAC dhe citon ish-ministrin e Punëve të Jashtme Nikolla Dimitrov, sipas të cilit “Nikolla Gruevski mbante flamurin maqedonas për të mbuluar korrupsionin dhe kidnapimin e institucioneve shtetërore, ndërsa Qeveria aktuale po mban flamurin evropian për të bërë të njëjtën gjë”.(koha.mk)
Promo
Reklamo këtuLufta Prigozhin - Putin
Më shumëNga Rubrika
Hapi i fundit i Kosovës për anëtarësim në KiE, Serwer : Indinjata e Serbisë është e turpshme
Arrestohen dy persona në Kumanovë, dyshohen për tregti me lëndë narkotike
Gjykata Speciale, edhe nëntë viktima të tjera pranohen për të marrë pjesë në procesin gjyqësor ndaj ish-krerëve të UÇK-së
“Në hava kam me t’çu se e kam vajzën deputete”, Deliu-Kodra me kritika të ashpra ndaj deputetes së LVV-së duke ia kujtuar rastin e 90-vjeçarit
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Ju kemi njohur para lufte...ju njohim edhe tash”, Haxhiu, opozitës: Milionerë nuk ishit, jeni bërë vetëm duke qenë në qeveri
Vihet gurthemeli i dy klinikave në QKUK – vlera e tyre arrin mbi 4 milionë euro
Shtëpia-muze që ruan dhimbjet e viktimave të masakrës së Poklekut
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit