Franca po dërgon ‘motrën e vogël’ të Statujës së Lirisë në Shtetet e Bashkuara, dihet se ku do të vendoset

Një kopje prej bronzi e Statujës së Lirisë, rreth tre metra e lartë, do të transportohet në kryeqytetin e SHBA-së Uashington dhe do të vendoset në kopshtin e rezidencës së ambasadorit francez.

Udhëtimi filloi të hënën. Statuja ishte vendosur përpara Muzeut të Arteve dhe Mjeshtërive në Paris.

Kryetari i rrethit të Parisit, Ariel Weil, i uroi statujës një udhëtim të sigurt dhe shkroi në Twitter një “shenjë të rinovuar të miqësisë” me Shtetet e Bashkuara, transmeton Telegrafi.

Au lendemain de l’anniversaire du #DDay nous avons souhaité bon voyage ce matin à la réplique de la statue de la Liberté de Bartholdi qui démarre aujourd’hui le périple inverse de celui des GIs afin d’arriver à Ellis Island pour #IndependenceDay en signe renouvelé d’amitié 🇫🇷 🇺🇸 https://t.co/70uU2UOYvg pic.twitter.com/MJZlwWhdQN

— Ariel Weil (@ArielWeilT) June 7, 2021

Statuja origjinale e lirisë në portin e New York-ut është në Ellis Island dhe konsiderohet simbol i lirisë.

Skulptori francez Frederic Bartholdi bëri një skulpturë femërore dhe brendësia me një strukturë hekuri u projektua nga kompania e inxhinierit Gustave Eiffel, i cili ndërtoi kullën me famë botërore në Paris disa vjet më vonë.

Franca i dha statujën Shteteve të Bashkuara në 1876 për njëqind vjetorin e pavarësisë nga Britania. /Telegrafi/