Fotografohet mbi një kalë të bardhë nëpër borë – një ekspert thotë se me këtë, Kim Jong-Un ka dashur të përcjell një mesazh

Udhëheqësi suprem i Koresë së Veriut, Kim Jong-Un është shfaqur i vetëm mbi kalë të bardhë derisa kalëronte nëpër borë, në shpërndarjen e fundit që ka bërë sistemi i propagandës së regjimit autoritar.

Imazhet e shpërndara nga media shtetërore, e tregojnë atë nëpër pyjet e malit Paektu, maja më e lartë e atij shteti dhe atdheu i supozuar shpirtëror i dinastisë Kim.

“Kalërimi tij me kalë në malin Paektu, një ngjarje e shkëlqyeshme me rëndësi të madhe në historinë e revolucionit korean”, thuhet në deklaratë lidhur me imazhet, sipas raportit nga Reuters, përcjell Telegrafi.

“Duke qenë dëshmitarë të momenteve të shkëlqyera e të menduarit të tij në majën Paektu, të gjithë zyrtarët që e shoqëronin ishin emocional dhe të bindur, si dhe të tejmbushur me gëzim, se do të ketë një operacion të shkëlqyeshëm për ta goditur përsëri botën me befasi dhe të bëjë një hap përpara në revolucionin Korean”.

Derisa imazhet mund të duken sipërfaqësore, koha e shpërndarjes së tyre është e rëndësishme, sipas ekspertit të zhvillimeve në Kore të Veriut, Joshua Pollack.

“Kjo është një paraqitje, si simbol i rezistencës dhe mosbindjes”, tha bashkëpunëtori i studimit në Institutin e Studimeve Ndërkombëtare në Middlebury në Kaliforni.

“Ndjekja lidhur me sanksionet ka mbaruar. Asgjë nuk është bërë e qartë këtu, por kanë filluar të vendosen pritshmëri të reja, në lidhje me rrjedhën e ardhshme të politikës për vitin 2020”.

Kjo vjen pasi Koreja e Veriut, akuzoi administratën e Trump se “mashtroi” publikun rreth bisedimeve bërthamore që kanë zhvilluar të dy, me paralajmërimin e Penianit se marrëdhëniet midis shteteve “menjëherë mund të përfundojnë”.

Fotografitë kanë ngjashmëri të çuditshme, me disa fotografi që i kishte shpërndarë presidenti Puti, shumë vite më parë.

Vetëm se Kim, nuk është zhveshur dhe i ka mbajtur rrobat. /Telegrafi/