Fotografitë e mbrojtëses së Samsung Galaxy Z Flip5 konfirmojnë madhësinë e ekranit të pasmë

Telefonat e rinj të palosshëm të Samsung janë drejt lansimit në tregun botëror.

Dhe nëse duhen besuar thashethemet, mund të presim që Z Fold5 dhe Z Flip5 të debutojnë së bashku me orën e mençur Watch6 dhe tabletin Tab S9 diku gjatë muajit korrik.

Një nga veçoritë përcaktuese të Z Flip5 të ardhshëm është padyshim ekrani i tij i ri më i madh i pasmë.

Tani kemi edhe disa foto të një mbrojtëse plastike të fiksuar për Z Flip5, të cilat riafirmojnë madhësinë e madhe dhe formën e çuditshme të ekranit, shkruan GSM Arena, transmeton Telegrafi.

Me sa dimë aktualisht, ekrani i pjesës së pasme do të ketë një diagonale prej 3.4 inç dhe do të ketë një rezolucion prej 720 x 748 piksel.

Kjo lë shumë hapësirë për miniaplikacione, së bashku me një orë të madhe, duke e bërë ekranin e ri shumë më funksional se diagonalja 1.9 inç në Z Flip4.

Ne ende nuk dimë shumë për pjesën tjetër të harduerit në Z Flip5.

Nga të gjitha të dhënat, një dizajn i ri menteshë do të sigurojë një mbyllje shumë më të ngushtë me një hendek minimal ose edhe inekzistent.

Pritet që Z Flip5 do të fuqizohet nga çipi më i fundit dhe më i mirë Snapdragon 8 Gen 2 për Galaxy. Me sa dimë aktualisht, Z Flip5 do të vijë me 128 GB, 256 GB ose 512 GB memorie, me modelin 128 GB duke përdorur një çip UFS 3.1 në vend të UFS 4.0.

Kjo përkon me nivelet aktuale të hapësirës së Z Flip4. Ne gjithashtu besojmë se, si paraardhësi i tij, Z Flip5 do të ketë dy kamera 12MP, por potencialisht ato që përdorin sensorë të rinj. Shkalla e karikimit ka të ngjarë të mbetet në kapacitetin e njohur prej 25W. /Telegrafi/