Bianca Censori ka pësuar mjaft transformime që nga dasma e saj me reperin Kanye West një vit më parë.
Shumë larg ditëve të saj si një arkitekte pak e njohur e Melburnit, Bianca, 28 vjeçe, u bë kryetitull botëror pasi Kanye, 46 vjeç, ndau tri fotografi të saj të çuditshme, duke pozuar me pothuajse asnjë veshje, në Instagram.
Kanye ndau imazhet teksa përgatitej të lëshonte këngën e tij të re me Travis Scott, përpara publikimit të albumit të tij të ri, “Vultures”, i cili pritet në fund të këtij muaji, shkruan DailyMail.
Ajo gjithashtu kishte flokë të gjata më parë dhe mbante grim shumë më të rëndë.
Që atëherë, Bianca e ka rinovuar plotësisht stilin e saj duke i prerë flokët e saj në një prerje djaloshare dhe duke zgjedhur rregullisht të dalë zhveshur.
Ajo gjithashtu ka rinovuar veshjet falë partnerit të saj stilist i cili njihet për veshjet e çuditshme, të zhveshura dhe shpesh jo të këndshme.
Pasi Kanye postoi imazhet e bujshme të Biancas, shumë fansa nuk mund të mos tregonin se sa e ngjashme dukej Bianca me ish-bashkëshorten e reperit kontrovers, Kim Kardashian.
“Betohem se mendova se ishte Kim”, ka komentuar një fans, ndërsa një tjetër ka shtuar: “Ai nuk e ka harruar Kimin”.
Një i tretë postoi: “Po e vesh si Kimin”.
Kanye e kishte kritikuar më parë Kim se ishte 'tepër e seksualizuar', duke vënë në shënjestër markën e saj “SKIMS” dhe gjithashtu duke pretenduar se fustani i Thierry Mugler që kishte veshur në Met Gala 2019 ishte 'shumë seksi'.
Bianca dhe Kanye u martuan fshehurazi në dhjetor 2022, vetëm një muaj pasi ai finalizoi divorcin nga Kim.
Në shtator, miqtë shprehën shqetësime të mëdha se ai po manipulonte Biancan në një version të 'radikalizuar' të Kimit, të cilin ai shpesh e quajti atë si 'muzën' e tij. Ai gjithashtu ndikoi shumë në zgjedhjet e saj të modës.
“Kanye po përpiqet ta bëjë Biancan në një version të radikalizuar të Kimit – pothuajse si Kim 2.0”, tha një burim në atë kohë. /Telegrafi/
