LAJMI I FUNDIT:

Fosili i një zvarraniku të madh të lashtë u gjet në Britani – ai është më i gjatë se dy autobusë

Fosili i një zvarraniku të madh të lashtë u gjet në Britani – ai është më i gjatë se dy autobusë

Shkencëtarët kanë studiuar gjetjet e fundit fosile dhe kanë zbuluar se është ndoshta zvarraniku më i madh detar që ka notuar ndonjëherë nëpër oqeane. Është një krijesë më e gjatë se dy autobusë që kanë jetuar 202 milionë vjet më parë, kur kanë ekzistuar edhe dinosaurët. Nofulla e tij e fosilizuar u gjet në vitin 2016 nga një gjuetar fosilesh në një plazh në Somerset, Britania e Madhe.

Në vitin 2020, baba dhe vajza gjetën një tjetër kockë nofull të ngjashme në të njëjtën zonë. Ekspertët thonë se fosilet vijnë nga dy zvarranikë gjigantë ichthyosaur, të cilët mund të kenë qenë 25 metra të gjatë. Një ichthyosaur është një zvarranik i zhdukur si peshku i gjinisë Ichthyosauria. I ngjante një delfini të ditëve moderne, raporton bbc.


“Bazuar në përmasat e nofullave, njëra prej të cilave është më shumë se një metër e gjatë dhe tjetra dy metra, mund të përfundojmë se e gjithë kafsha mund të jetë rreth 25 metra e gjatë, pothuajse e njëjtë me një balenë blu”, tha paleontologu Dean Lomax nga Universiteti i Bristolit.

“Por gjetjet shtesë, si një kafkë dhe skelet i plotë, nevojiten për të konfirmuar madhësinë e saktë të krijesës. Ichthyosauri gjigant vdiq në një zhdukje masive dhe ichthyosaurët që jetuan më vonë nuk arritën kurrë atë madhësi”, shtoi ai.

Paul de la Salle ka mbledhur fosile për 25 vjet dhe hasi në kockën e nofullës në vitin 2016 teksa po kërkonte plazhet e Somerset. Një fosil i dytë i nofullës u gjet në vitin 2020 nga babai dhe vajza Justin dhe Ruby Reynolds 10 kilometra poshtë bregut në Blue Anchor.

“Isha me të vërtetë, shumë e emocionuar. E dija se tani kishim një nofull tjetër të madhe”, tha Lomax. De la Salle nxitoi menjëherë në plazh pas zbulimit për të ndihmuar ekspertët të gjenin më shumë mbetje.

“Isha duke gërmuar në baltë të trashë. Pas rreth një ore, godita diçka të fortë. Ne gjetëm një kockë të ruajtur në mënyrë të përsosur”, tha ai.

Pas analizimit të fosileve të gjetura, ekspertët arritën në përfundimin se bëhej fjalë për një specie të re ichthyosaur, të cilin e quajtën Ichthyotitan severnensis. Mostra e gjetur nga De la Salle ishte në garazhin e tij në kohën e analizës. Së shpejti do të ekspozohet publikisht në Muzeun e Bristolit. /Telegrafi/

Në trend Botë

Më shumë
Vdekja e presidentit iranian, çfarë dihet deri më tani

Vdekja e presidentit iranian, çfarë dihet deri më tani

Azia
Pamjet që tregojnë transportimin e kufomave pas rrëzimit të helikopterit iranian

Pamjet që tregojnë transportimin e kufomave pas rrëzimit të helikopterit iranian

Azia
Droni turk kishte lokalizuar mbetjet e helikopterit të rrëzuar të presidentit iranian, pamje nga droni

Droni turk kishte lokalizuar mbetjet e helikopterit të rrëzuar të presidentit iranian, pamje nga droni

Azia
Momenti kur gazetari i televizionit shtetëror iranian, kumton lajmin për vdekjen e presidentit Ebrahim Raisi

Momenti kur gazetari i televizionit shtetëror iranian, kumton lajmin për vdekjen e presidentit Ebrahim Raisi

Azia
Zëvendëspresidenti i Iranit merr postin e presidentit, ka 50 ditë për të organizuar zgjedhjet – kush është Mohammad Mokhber?

Zëvendëspresidenti i Iranit merr postin e presidentit, ka 50 ditë për të organizuar zgjedhjet – kush është Mohammad Mokhber?

Azia
Pamje nga droni shfaqin copëzat e helikopterit të rrëzuar të presidentit iranian

Pamje nga droni shfaqin copëzat e helikopterit të rrëzuar të presidentit iranian

Azia
Kalo në kategori