LAJMI I FUNDIT:

Forumi i Bizneseve të Diasporës në Prishtinë, Blakaj: Dhjetëra kompani të huaja të gatshme për investime, Kosova t’i mirëpret ofertat

Kryetari i Rrjetit të Bizneseve Diasporës Shqiptare në Austri, Yll Blakaj / Foto: Ridvan Slivova

Kryetari i Rrjetit të Bizneseve Diasporës Shqiptare në Austri, Yll Blakaj gjatë intervistës në “Përballje” në Telegrafi.com me kryeredaktorin Muhamet Hajrullahu ka thënë se Kosova duhet të jetë më e gatshme në pranimin e ofertave që vijnë nga jashtë.

Sipas Blakajt, mbajtja e Forumit të Bizneseve të Diasporës ka në fokus rritjen e bashkëpunimit dhe sjelljen e ofertave të reja.

“Forumi i ditës së premte dhe të shtunë e ka në fokus rritjen e bashkëpunimit. Kemi mbi 30 kompani që nuk janë partnerë tonë, pra jo shqiptare, siç janë gjerman, austriak, zviceran, francez, anglez dhe suedez nga profile të ndryshme”, tha Blakaj.

Ai shton se disa biznese kanë ardhur me projekte konkrete.

“Kemi paraparë një agjendë shumë të ngjeshur. Janë pesë storje të bizneseve që kanë nxjerr mbi 300 milionë euro janë ardhur me projekte konkrete për t’iu treguar prodhuesve këtu se duhet të punohet kjo apo ajo edhe se tregu i Evropës përmes neve është këtu”, shton ai.

Kryetari i Rrjetit të Bizneseve Diasporës Shqiptare në Austri, Yll Blakaj gjatë intervistës në “Përballje” në Telegrafi / Foto: Ridvan Slivova

Blakaj thotë se shpirti sipërmarrës i shqiptarëve ka bërë që në Gjermani dhe Zvicër të ketë dhjetëra-mijëra biznismen.

“Ka pengesa, por se shpirti sipërmarrës i shqiptarëve ka bërë që në Gjermani dhe Zvicër të ketë dhjetëra-mijëra biznismen. Në Austri ka mbi 3 mijë biznese. Në Kosovë, sigurisht që politikat e mira, si biznese duhet t’i shfrytëzojmë, por se çfarë kërkojmë është që institucionet përkatëse të janë më të shpejta me thithjen e këtyre ofertave”, thotë Blakaj.

Tutje tregoi se është kërkuar hapja e Shtëpisë së Bizneseve të Diasporës në Prishtinë, por se nuk kanë marrë ende përgjigje.

“Si Rrjet i Biznesit kemi kërkuar nga viti i kaluar, por se ende nuk kemi pranuar përgjigje, që ta formojmë Shtëpinë e Bizneseve të Diasporës këtu në Prishtinë edhe pastaj në Tiranë. Të gjitha këto forume organizohen vullnetarisht. Kjo shtëpi këtu, do të na bënte kontaktet dhe kërkesat ditore që kanë bizneset t’i kanalizojnë te institucionet apo te prodhuesit”, tregon ai.

Në fund, Blakaj në këtë intervistë ka thënë se çdo gjë që prodhohet në Kosovë i ka dyert e hapura në tregun evropian.

“Çdo gjë që prodhohet në Kosovë i ka dyert e hapura në tregun evropian, ku vetëm shqiptarët janë 2 milionë. Pra, sa do që të prodhohet në Kosovë, pas asnjë problem mund të plasohet në Evropë”, përfundon Blakaj.

Gjatë këtij Forumi do të paraqiten bashkëpunime të suksesshme mes bizneseve të Kosovës, diasporës dhe të huaja, prezantime nga komunat në lidhje me planet e tyre potenciale ekonomike, mjedisin e biznesit dhe burimet e tjera për të nxitur bashkëpunime mes afaristëve.

Gjithashtu, vizitat në terren do të organizohen për diasporën dhe bizneset e huaja në kompanitë e Kosovës, ku ata do të mund ta dëshmojnë së afërmi kapacitetet prodhuese të kompanive të vendit tonë.

Kjo ngjarje është bashkorganizim i Rrjetit të Bizneseve Shqiptare në Evropë, projekti Kosovo Complete i USAID-it dhe organizatës Germin. /Telegrafi/

Në trend Ekonomi

Më shumë
Rënia e madhe e standardeve të jetës - sa fitohet me të vërtetë në Gjermani?

Rënia e madhe e standardeve të jetës - sa fitohet me të vërtetë në Gjermani?

Botë
Me ble t're se u prish? -  Jo, ua rregullon Hausmeister

Me ble t're se u prish? - Jo, ua rregullon Hausmeister

Hausmeister
Bylmeti & benefitet e konsumimit të tij

Bylmeti & benefitet e konsumimit të tij

Meridian
Studioni për një diplomë prestigjioze të nivelit botëror Baçelor ose Master në Kolegji CITY, Kampusi i Universitetit të York-ut në Evropë në Selanik të Greqisë

Studioni për një diplomë prestigjioze të nivelit botëror Baçelor ose Master në Kolegji CITY, Kampusi i Universitetit të York-ut në Evropë në Selanik të Greqisë

CITY College
49 VITE – 49 Shpërblime

49 VITE – 49 Shpërblime

Gorenje Department Store
Ofertat e Auto Mita t’bojnë me kerr t’ri –  filluar nga 179 euro në muaj

Ofertat e Auto Mita t’bojnë me kerr t’ri – filluar nga 179 euro në muaj

Auto Mita
Kalo në kategori