Gjiganti katalunas është futur në këtë takim me formacionin më të mirë për mos të pasur probleme ndaj skuadrës së Sociedadit.
Golin e parë në këtë takim e shënoi braziliani Neymar i cili po kalon nëpër një formë fantastike pas asistimit nga Dani Alves.
Në fund të pjesës së parë, Luis Suarez u përkujdes për ta shënuar një gol spektakolar përsëri pas asistimit nga Alves.
Neymar arriti ta shënoi edhe golin e dytë në këtë takim dhe të 14-tin në ligë në pjesën e dytë kur u shërbye mirë nga francezi Jeremy Mathieu.
Ndërkohë golin e fundit në këtë takim e shënoi gjeniu argjentinas Lionel Messi në minutën e fundit të ndeshjes.
Pas kësaj fitore Barcelona vazhdon të mbetet lidere në La Liga me 33 pikë të tubuara pas 13 ndeshjeve. /Telegrafi/
