Fansat në koncertet e Taylor Swift fotografohen fshehurazi për të identifikuar personat që e përndjekin këngëtaren

Edhe pse kamerat për njohjen e fytyrës shfrytëzohen për qëllime të ndryshme, së fundmi është zhvilluar teknologjia, e cila do t’i ndihmojë Taylor Swiftit t’i gjejë persona që po e përndjekin.

Publiku që ka hyrë në koncertin e këngëtares amerikane nuk e ka ditur se ekipi i saj po i xhiron dhe se fotografitë dërgohen në mënyrë automatike në Nashville, ku analizohen për t’i identifikuar personat që në mënyrë të vazhdueshme po e përndjekin 29-vjeçaren.

“Secili që ndalet shikon në të, ndërsa kamera në mënyrë automatike bën fotografinë dhe softueri fillon ta përpunojë”, ka thënë shefi i sigurimit, Mike Downing.

Lexo po ashtu Lajmet për SWIFT

Edhe pse kjo është një metodë e përparuar e shfrytëzimit të teknologjisë, ka hasur edhe në kritika të mëdha të fansave, disa prej të cilëve dyshojnë në arsyet e përdorimit të fotografive.

Ekipi i Swift ka thënë se bën gjithë këtë për ta mbrojtur këngëtaren nga qindra njerëz që po e përndjekin dhe kanë thënë se fotografitë nuk do të distribuohen tutje.

Në javën e kaluar, një prej fansave të Taylor ka hyrë dhunshëm në shtëpinë e këngëtares, ku ka bërë dush dhe ka fjetur disa orë në krevatin e saj.

Personi në fjalë është arrestuar dhe e ka pranuar fajin, ashtu që do të qëndrojë në burg për gjashtë muaj. /Telegrafi/