LAJMI I FUNDIT:

Erdogan: Disa vende janë bërë strehë për terroristët që ikin nga Turqia

Erdogan: Disa vende janë bërë strehë për terroristët që ikin nga Turqia

Presidenti i Turqisë, Recep Tayyip Erdogan, kritikoi vendet që janë bërë strehë për terroristët që po ikin nga drejtësia turke.

“Vrasësit gjakatarë që shënjestrojnë të drejtën e jetës, e cila është e drejta më themelore e njeriut, mbrohen me pretekstin e azilkërkuesve politik dhe mund të bëjnë jetën e tyre lirisht pa iu nënshtruar asnjë hetimi ligjor”, tha Erdogan.

“Dëshiroj të them me keqardhje se disa nga vendet me të cilat jemi nën çatinë e NATO-s, Këshillit të Evropës apo OKB-së, janë kthyer në strehimore për banditët që ikin nga drejtësia turke”, tha ai në Konferencën Ndërkombëtare të Avokatit të Popullit të mbajtur në Ankara, raporton aa.

Duke folur rreth organizatës terroriste FETO dhe liderin e saj që ndodhet në SHBA, Fetullah Gulen, i pari i shtetit turk u shpreh se “Siç dihet, kreu i FETO-s, i cili vrau 252 qytetarët tanë më 15 korrik dhe bombardoi parlamentin tonë dhe ndërtesën presidenciale, mund të vazhdojë të mbikëqyrë organizatën e tij terroriste nga rezidenca e tij në Amerikë”.

FETO orkestroi grusht shtetin më 15 korrik 2016, në të cilin 252 njerëz u vranë dhe 2.734 u plagosën.

Erdogan tha se anëtarët e grupit terrorist PKK, të cilët kërkohen me një njoftim të kuq, mund të organizojnë protesta në qendër të Evropës nën kujdesin e policisë dhe të sulmojnë qytetarët dhe përfaqësuesit turq.

Ai u shpreh se ngjarjet në Paris përbënin shembullin e fundit të kësaj, duke shtuar se “Shpresoj që incidentet, që shfaqin gabimin e bërjes së dallimit midis terroristëve të mirë dhe terroristëve të këqij, do të fillojnë një epokë të re në luftën kundër terrorizmit”. /Telegrafi/

Në trend Botë

Më shumë
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Organizata Botërore Meteorologjike: Ky është një alarm i kuq për botën

Organizata Botërore Meteorologjike: Ky është një alarm i kuq për botën

Botë
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Amerika
Rasti i pazakontë në Kroaci - pensionisti zbret nga një ndërtesë, por jo përmes shkallëve

Rasti i pazakontë në Kroaci - pensionisti zbret nga një ndërtesë, por jo përmes shkallëve

Kroacia
Kalo në kategori