Trajneri i Kombëtares së Spanjës, Luis Enrique ka publikuar listën me futbollistët e ftuar për ndeshjet e fundit kualifikuese për Kupën e Botës “Katar 2022”.

La Roja rikthehet në aksion javën e ardhshme kur do të përballet me Greqinë dhe Suedinë në dy ndeshje përcaktuese në sezonin e tyre kualifikues.

Siç qëndrojnë gjërat, Spanja është në vendin e dytë, dy pikë prapa kryesueses Suedia dhe katër përpara Greqisë në vendin e tretë.

Këto dy ndeshje janë dy të fundit të sezonit dhe nëse Spanja i fiton të dyja, ata do të kualifikohen automatikisht në Kupën e Botës “Katar 2022”.

Të gjitha lajmet rreth Përfaqësueses së Spanjës Të gjitha lajmet rreth Përfaqësueses së Spanjës

Dështimi për ta bërë këtë ka të ngjarë t’i dërgojë ata në ‘play-off’ kualifikues, i cili do të zhvillohet në mars.

Dhe kështu presioni është i vazhdueshëm për Spanjën, ndërsa ata përgatiten të shkojnë në Athinë përpara se të mirëpresin Suedinë në stadiumin ‘La Cartuja’.

Para ndeshjeve, Enrique ka bërë të ditur skuadrën e tij dhe ka disa mungesa të dukshme për shkak të problemeve fizike.

Sulmuesit Gerard Moreno dhe Mikel Oyarzabal mungojnë të dy pas lëndimeve të fundit, pavarësisht se janë afër rikthimit.

Ansu Fati është rikthyer në skuadër, ndërkohë që ka një thirrje surprizë për sulmuesin e Leeds United, Rodrigo Moreno, si dhe Brahim Diaz.

Portierë: David De Gea, Unai Simon, Robert Sanchez.

Mbrojtësit: Cesar Azpilicueta, Dani Carvajal, Ayemric Laporta, Eric Garcia, Pau Torres, Inigo Martinez, Jordi Alba, Jose Luis Gaya.

Mesfushorët: Sergio Busquets, Rodri, Gavi, Carlos Soler, Koke, Mikel Merino.

Sulmues: Pabo Sarabia, Yeremy Pino, Alvaro Morata, Rodrigo Moreno, Pablo Fornals, Dani Olmo, Ansu Fati, Brahim Diaz. /Telegrafi/