Kongresisti amerikan Eliot Engel, miku i madh i shqiptarëve, është zgjedhur kryetar i Komitetit për Marrëdhënie me Jashtë në Kongresin Amerikan. Kjo po cilësohet lajm i mirë për Kosovën nga analistë dhe krerë shtetërorë në Kosovë dhe Shqipëri.
Pavarësisht kësaj, analistët vlerësojnë se politika e Shteteve të Bashkuara të Amerikës (SHBA) është një politikë stabile dhe nuk varet shumë prej personaliteteve që zgjidhen atje, por kjo megjithatë është një sinjal për interesimin e SHBA-së për Kosovën.
Politologu dhe analisti Ramush Tahiri në një prononcim për Telegrafin, ka thënë se Engel është mik i madh i kosovarëve, por kjo s’ka rëndësi pasi politika nuk bëhet me interesa personale.
“Politika e Shteteve të Bashkuara të Amerikës (SHBA) është një politikë stabile dhe nuk varet shumë prej personaliteteve kryesore, kushdo që vjen nëse është mik apo jo i Kosovës, sepse politika nuk bëhet me interesa personale”, ka thënë Tahiri.
Edhe politologu, Musa Preteni vlerësoi se pas veprimeve të fundit që kanë ardhur nga SHBA-të, janë sinjale të qarta që ata i kanë kthyer sytë sërish nga Kosova.
“Zgjedhja e Eliot Engel në krye të Komitetit për Marrëdhënie me Jashtë në Kongresin Amerikan është një lajm i mirë për Kosovën, duke e patur parasysh angazhimin e tij të madh gjatë viteve 90-ta për çlirimin e Kosovës e po ashtu edhe pas çlirimit për bërjen e shtetit të Kosovës. Por përveç kësaj konsideroj se lëvizjet e fundit në administratën amerikane, si drita e gjelbër për bërjen e ushtrisë dhe letra e fundit e Trump, janë sinjale të qarta që SHBA ka kthyer sytë sërish nga Kosova pas një periudhe kur Kosova zinte vend shumë të vogël në optikën amerikane të politikës së jashtme”, theksoi Preteni, për Telegrafin.
Sipas tij, përfshirja amerikane në arritjen e një marrëveshje finale mes Kosovës dhe Serbisë është vendimtare dhe më se e domosdoshme për Kosovën.
“Pasi që linja e shtetit më të fuqishëm të botës ka qenë gjithmonë në krahë të Kosovës. Zgjedhja e Engel në krye të Komitetit për Marrëdhënie me jashtë, sidomos edhe pas letrës së presidentit Trump, e fut Kosovën fuqishëm në agjendën e politikës së jashtme amerikane pikërisht në kohën kur neve si shtet na duhet më së shumti para marrëveshjes së paralajmëruar që ende na prezantohet si shumë e mjegullt”, ka thënë ndër të tjera politologu Preteni.
Zgjedhjen e Eliot Engel në krye të Komitetit për Marrëdhënie me Jashtë në Kongresin Amerikan e kanë vlerësuar si shumë pozitive për Kosovën edhe liderët shtetërorë në Kosovë dhe Shqipëri.
“Zgjedhja e Kongresistit dhe mikut tonë të madh, Eliot Engel, në krye të Komitetit për Marrëdhënie me Jashtë në Kongresin Amerikan është lajm i shkëlqyeshëm për Kosovën”, ka thënë kryeministri Haradinaj.
Kryetari i Kuvendit të Shqipërisë, Gramoz Ruçi, cilësoi kongresistin Engel mbrojtësin e çështjes së shqiptarëve të Kosovës dhe Shqipërisë për tru dekada me radhë.
Ndryshe, të premten Eliot Engel, miku më i madh i shqiptarëve në Kongresin Amerikan është zgjedhur kryetar i Komitetit të fuqishëm të Marrëdhënieve me Jashtë.
Plot 30 vjet më parë, i sapo zgjedhur në Kongresin Amerikan, Engel kërkoi të ishte pjesë e këtij komiteti. Ishte ende anëtari më i ri i komitetit dhe emër gati i panjohur, kur një biznesmen dhe aktivist i ri shqiptaro-amerikan, Harry Bajraktari trokiti në derën e zyrës së tij, në Westchester, New York, për t’i folur për një vend në Ballkanin “e largët” që quhej Kosovë.
Ishte fillimi i një bashkëpunimi të gjatë, që do ta bënte njeriun më afërt të shqiptarëve në kryeqytetin amerikan. Sot, ai kongresist i ri është njeriu që merr në dorë zyrtarisht drejtimin e Komitetit.
Engel është edhe njujorkezi i tretë në epokën moderne amerikane që ngjitet në këtë pozitë. /Telegrafi/
Promo
Reklamo këtuLufta Prigozhin - Putin
Më shumëKonjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Publikohen rezultatet e Lotarisë Amerikane, linku ku mund të shihni nëse jeni fitues
"Intimidimi i gazetares", deputeti Dimal Basha reagon pas kritikave të AGK-së dhe RTK-së
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City