Eksperti propozon konferencë mbarëshqiptare për çështjen e Kosovës

Adrian Shtuni, ekspert për çështjet e sigurisë në SHBA, ka hedhur në tryezë idenë e një konferencë mbarëshqiptare për çështjen e Kosovës.

Shtuni tha për A2 CNN se në këtë konferencë do duhet të krijohet një qëndrim i unifikuar, me qëllim që të jenë njëzëri në atë se çfarë kërkojmë nga të tjerët dhe se si këto të fundit mund të na vijnë në ndihmë.

Ai theksoi se çështja e Kosovës, nuk është vetëm e saj, por e gjithë Ballkanit, pasi në rast të nisjes së një konflikti, pasojat do të jenë në të gjithë rajonin.

“Çështja e Kosovës, nuk është vetëm e Kosovës. Ne duhet të bashkohemi për një vizion të përbashkët, për të mbrojtur lirinë, progresin e Kosovës dhe interesat tona në Ballkan, se po të fillojë një luftë në Ballkan do bien të gjitha domino, kështu që duhet që shqiptarët të kenë një konferencë kombëtare, për një strategji kombëtare, jo për t’iu mbivendosur të tjerëve, por për t’u marrë vesh se si do duhet të sillemi ne me njëri-tjetrin dhe që ta dimë ç’kërkojmë nga të tjerët dhe se si të na ndihmojnë të tjerët”, tha Shtuni. /Telegrafi/