Eksperti i ”Komunikimit gjatë krizave” së shpejti vjen në Shkup

Donald Steel, njëri ndër ekspertët më të shquar për komunikimin në kohë krizash në erën e rrjeteve sociale dhe ekspert për reputacion më 12 maj do të mbajë një punëtori njëditore në Shkup.

Steel është specialist në tema të lidhura me reputacionin dhe menaxhimin e krizave i cili për momentin është duke punuar për kompani të mirënjohura në Mbretërinë e Bashkuar, Lindjen e Mesme dhe në Azi. Ai më herët ka qenë përgjegjës dhe këshillatar për komunikimin në BBC ndërsa për 11 vite ka punuar si zëdhënës i kësaj shtëpie të madhe mediatike.

Ai në vitin 2010 është zgjedhur përgjegjës i parë i BBC Academy ndërsa në vitin 2009 është përzgjedhur si përgjegjës për komunikim në Royal Society of Arts.

Ai tani është Associate Director of Crisis Communications në Kenyon International Emergency Services, kompani më e madhe që përgjigjet në raste kur ka katastrofa të mëdha.

Gjithashtu Steel është edhe drejtor në Johnston Associates kompani udhëheqëse në biznesin e fluturimeve.

Punëtoria njëditore e Steel do t’i përgadis ekspertët e PR (Marrëdhënieve me Publikun) dhe ekspertët e rrjeteve sociale nga i gjithë rajoni për të ndjekur kanalet e tyre të komunikimit në rast se kanë probleme potenciale. Kjo punëtori do t’i mësojë të gjithë zëdhënësit se si të përgjigjen në pyetje të rënda në konferenca për raste të rënda me të cilat ballafaqohet subjekti ku ata janë të angazhuar.

Gjithashtu kjo punëtori do të trajtojë edhe mënyrën se si të normalizojë informacionet e rrejshme dhe komentet negative.

Kjo punëtori organizohet nga P World, kompani kreative që organizon seminare dhe konferenca për PR, Marketing dhe HR nëpër të gjithë botën. Telegrafi është partner medial zyrtar i kësaj punëtorie.

Biletat për këtë punëtori mund t’i bleni KËTU