Ekspertët tregojnë se pse një Prigozhin i fuqishëm në Bjellorusi mund të mos jetë i mirë për Ukrainën

Udhëheqësit e Ukrainës duhet të kenë kujdes nga një sulm i mundshëm i udhëhequr nga Yevgeny Prigozhin i nisur në Kiev nga Bjellorusia, thotë gjenerali Lord Richard Dannatt.

“Fakti që ai ka shkuar në Bjellorusi është një çështje shqetësuese”, citohet të ketë thënë ish-shefi i shtabit të përgjithshëm të Ushtrisë Britanike, përcjell Telegrafi.

Nëse ai “ka mbajtur një forcë efektive luftarake rreth tij, atëherë ai paraqet përsëri një kërcënim për krahun ukrainas më afër Kievit”, ku filloi lufta, tha ai.

Lexo po ashtu Si erdhi deri te armiqësia ndërmjet forcave mercenare Wagner dhe ushtrisë ruse

Lordi Dannatt tha se “është mjaft e mundur” që Rusia të përdorë Grupin Wagner për të provuar të marrë përsëri Kievin.

Ndërkohë, korrespondentja e Moskës, Diana Magnay – siç shkruan Sky News, – ka thënë se Yevgeny Prigozhin do të jetë një figurë ushtarake “e fuqishme” në Bjellorusi në një kohë kur “njerëzit kanë pyetur veten nëse Kremlini po kërkon rreth e rrotull për njerëz që të pasojnë presidentin e tij”.

Ajo shpjegoi se Vladimir Putin e ka “aneksuar butësisht” Bjellorusinë dhe Alexander Lukashenko, i cili kohët e fundit ka qenë “shumë i sëmurë”, është “në thelb nën kontrollin e tij”.

Lexo po ashtu Putin "ka pësuar një goditje vdekjeprurëse", thotë gjenerali në pension i ushtrisë amerikane

“Ka ende shumë pyetje për t’u bërë në lidhje me atë që ndodhi gjatë 24 orëve të fundit, por nuk mendoj se është shumë situatë komode për Ukrainën që Prigozhin tani është një njeri i fuqishëm në Bjellorusi, nëse Lukashenko e lejon atë – ose , le ta themi kështu, nëse Putini e lejon atë”.

Ajo vazhdoi: “Unë nuk mendoj se ne do të shohim fundin e Yevgeny Prigozhin…”. /Telegrafi/