Putin “ka pësuar një goditje vdekjeprurëse”, thotë gjenerali në pension i ushtrisë amerikane

Presidenti rus Vladimir Putin ka pësuar “një goditje vdekjeprurëse”, sipas një gjenerali amerikan në pension, pavarësisht marrëveshjes së dukshme që do të shohë shefin e Wagner, Yevgeny Prigozhin të largohet për në Bjellorusi.

“Ka dy beteja ekzistenciale që po zhvillohen në këtë luftë Rusi-Ukrainë”, ka thënë gjenerali amerikan në pension Peter Zwack, shkruajnë mediat e huaja, përcjell Telegrafi.

Lexo po ashtu Si erdhi deri te armiqësia ndërmjet forcave mercenare Wagner dhe ushtrisë ruse

“Njëra është qëndrueshmëria e mbijetesës, ekzistenca e një shteti ukrainas. Tjetra është brenda Kremlinit dhe qëndrueshmëria e regjimit të Putinit”.

“Ajo që (Prigozhin) ka bërë është që ka përçarë rusët, i ka bërë ata të grinden publikisht… Kjo besoj se është një goditje vdekjeprurëse për Putinin dhe regjimin e tij”.

Lexo po ashtu Luftë në Rusi, trupat e Wagnerit po i afrohen Moskës

Ai i quajti ngjarjet që u panë në rrugët e Rusisë gjatë 36 orëve të fundit “të jashtëzakonshme”, duke shtuar se ekziston një “narrativë që i tregon popullatës kryesore se ky pushtim i Ukrainës ishte i gabuar”.

Zwack tha: “Dhe unë mendoj se në këtë aspekt, informacioni është se gënjeshtrat e Putinit të Rusisë po demaskohen”. /Telegrafi/