Efekti Ronaldo: Manchester Utd i rriten ndjekësit në Instagram – mbi një milion më shumë vetëm dy orë pas transferimit

Manchester United fitoi mbi një milion ndjekës në Instagram në vetëm dy orë pasi klubi njoftoi se ata kishin rënë dakord për një kontratë të re me Cristiano Ronaldon, pas largimit të tij nga Juventusi.

Kthimi tronditës i Cristiano Ronaldos në Manchester United, i ka sjell klubit një rritje të dukshme në rrjetet sociale, shkruan DailyMail.

Në fillim të ditës dukej se lojtari legjendar do të bashkohej me rivalët Manchester City, para lajmit se skuadra e Pep Guardiolas ishte tërhequr dhe United kishte rënë dakord për një marrëveshje për të nënshkruar me 36-vjeçarin.

Marrëveshja prej 19.4 milionë funte ka emocionuar tifozët e Djajve të Kuq, me Ronaldon që u kthye në shtëpi, në klubin që u largua për një karrierë të bujshme në Real Madrid në vitin 2009.

Njoftimi i United ka tërhequr shumë vëmendje dhe i ka sjell klubit një rritje të madhe ndjekësish në Instagram.

Para se të bëhej njoftimi, klubi kishte 43.1 milionë ndjekës në llogarinë e tyre zyrtare në Instagram dhe pak më shumë se dy orë më vonë ai numër ishte rritur në 44.3 milionë sosh.

Ronaldo është një nga emrat më të mëdhenj në futboll dhe lojtarët më të njohur në historinë e këtij sporti.

Me transferimin e superyllit botëror pritet që United do të marrë një nxitje komerciale si dhe një përmirësim në fushë.

Agjenti i Ronaldos kishte qenë në bisedime me rivalët e hidhur të United, Manchester City, pasi ylli portugez vendosi të largohej nga Juventusi, por doli të premten pasdite se skuadra e Pep Guardiolas do të tërhiqej nga gara për ta pasur atë në klub.

36-vjeçari tani do të bashkohet me Unitedin pasi ra dakord me kushtet e kontratës.

United pagoi tarifën që Juventus donte nga City që arrin në 19.4 milionë, me një kontratë dyvjeçare në dispozicion për Ronaldon, fitimet e të cilave mendohet të jenë rreth 480,000 funte (560,000 euro) në javë.

Ole Gunnar Solskjaer pas fitores 5-1 të United kundër Leeds, tha se do të ishte një nxitje për të nënshkruar me dikë tjetër këtë verë pasi tashmë nënshkruan kontratat me: Jadon Sancho, Raphael Varane dhe Tom Heaton.

Ardhja e Ronaldos do të japë një nxitje të madhe pasi United duket se do të fitojë titullin e tyre të parë në Ligën Premier që kur Sir Alex Ferguson u tërhoq në vitin 2013. /Telegrafi/