Në javët e fundit në Kosovë janë regjistruar një numër i madh i aksidenteve, ndërkaq vetëm në më pak se dy muaj e gjysmë kanë vdekur 19 persona në aksidente, duke përfshirë edhe foshnje.
Jetë njerëzish po shuhen qoftë për shkak të mospërshtatjes së shpejtësisë, kushteve të rrugës, mungesës së mbikalimit, siç ishte rasti i fundit, i së premtes në Veternik ku një këmbësor humbi jetën pasi u godit nga një veturë.
Në Veternik, në një ndër lagjet e populluara viteve të fundit mungon mbikalimi për këmbësor, projekt ky që ishte paraparë që në muajin maj të 2020.
E, në këtë pjesë të qytetit rastet janë të shumta kur qytetarët në mungesë të vendkalimit për këmbësor kalojnë mbi pengesa për të dalë në anën tjetër të rrugës, rrezik ky potencial për secilin qytetar që kalon andejpari.
Po bëhen thuajse tri vite prej kur ishte planifikuar edhe ndërtimi i një mbikalimi për këmbësor, por që projekti duket se ka mbetur vetëm në letër.
Në maj të vitit 2020, ministri i atëhershëm i Infrastrukturës dhe Ambientit, Lumir Abdixhiku, pati nënshkruar marrëveshje mirëkuptimi me kryetarin e atëhershëm të Prishtinës, Shpend Ahmeti, ku përveç projekteve tjera përfshihej edhe ndërtimi i mbikalimit për këmbësorë në lagjen Veternik.
Shuma e planifikuar për këtë kontratë ishte saktësisht 1 milion e 200 mijë euro.
Ndërkohë, i shqetësuar me gjendjen në këtë rrugë, një qytetar kohë më parë pati nisur peticion drejtuar Ministrisë së Infrastrukturës, përmes së cilit kërkonte ndërtimin e mbikalimit në Veternik.
Përmes peticionit, ai kërkonte që mbikalimi të ndërtohet mes qendrës tregtare “Albi Mall” dhe Kolegjit “Heimerer”.
E, shifrat e Policisë së Kosovës për aksidentet dhe aksidentet me fatalitet janë shqetësuese.
Zëdhënësi i Policisë së Kosovës, Bajram Krasniqi bëri të ditur për Telegrafin se vetëm në dy muajt e parë të vitit 2023 kanë ndodhur 18 aksidente me fatalitet, në të cilat 17 persona kanë vdekur.
Ndërsa, në ditët e para të muajit mars ka ndodhur dhe një tjetër aksident me fatalitet në autostradën “Ibrahim Rugova” në hyrje-daljen Mazgit– Fushë Kosovë, nga i cili aksident vdiq një grua, ndërsa rasti i fundit ndodhi të premten në Veternik të Prishtinës.
Ndërkaq, në total gjatë muajit janar dhe shkurt kanë ndodhur 2,729 aksidente.
E, për aksidentet e shumta në trafik është deklaruar për Telegrafin edhe eksperti i komunikacionit, Muhamet Krasniqi.
Profesori Krasniqi në një prononcim për Telegrafin ka thënë se qytetarët duhet të shtojnë kujdesin dhe vigjilencën si pjesëmarrës në trafik.
Ai theksoi se respektimi i shenjave dhe rregullave të trafikut nuk duhet të ndodh me raste, por duhet të ndodh pandërprerë sa herë që lëvizim në rrugë.
“Rasti i së premtes i aksidentit fatal të trafikut në Veternik por edhe rastet tjera të aksidenteve në trafik, sërish duhet të na kujtojnë të gjithëve se çdo herë kur jemi në rrugë duhet të shtojmë kujdesin dhe vigjilencën si pjesëmarrës në trafik”, tha Krasniqi.
Ai shtoi se “edhe kur në rrugë mungojnë shenjat e trafikut secili pjesëmarrës duhet të veproj mbi bazën e rregullave të qarkullimit në trafikun rrugor”.
Krasniqi po ashtu theksoi se faktori njeri është shkaktari kryesor i aksidenteve në trafikun rrugor.
“Ndërsa automjeti, rruga dhe faktorët tjerë në numër shumë më të vogël, mund të jenë shkaktarë të tjerë apo kontribuues të aksidenteve në rrugë”, u shpreh eksperti i komunikacionit. /Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti: Anëtarësimi në KiE, hapi i parë drejt bashkimit me familjen evropiane
Ndalohet një shtetas i Kosovës në Maqedoni, kërkohej nga Interpoli
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë