Gavi është njëri nga talentet më të mëdha në botë për momentin.
Mesfushori spanjoll ka debutuar me vetëm 16 vite te ekipi i parë i Barcelonës, teksa tanimë ka marrë ftesë edhe nga Kombëtarja A e Spanjës.
Trajneri i Spanjës, Luis Enrique vendosi të startojë me Gavin në gjysmëfinale të Ligës së Kombeve, dhe talenti spanjoll nuk zhgënjeu.
Me vetëm 17 vite mbi supe, Gavi ka qenë fantastik ndaj Italisë duke filluar ndeshjen nga minuta e parë.
Anëtari i Barcelonës luajti për 84 minuta, derisa përfundoi 53 pasime me saktësi prej 88,7% duke bërë edhe katër driblime dhe duke prekur topin 69 herë.
Përveç statistikave mbresëlënëse, Gavi ishte shumë i mirë edhe në mbajtjen e topit, duke bërë të gjithë për vete.
Pas ndeshjes, ish-lojtari i Milanit, Barcelonës dhe Atletico Madrid, Dmetrio Albetrini e ka ngritur në qiell me lëvdata talentin spanjoll.
Albetrini e ka krahasuar Gavin me legjendën më të madhe italiane, Francesco Totti, pasi që të dy kanë debutuar me ekipin e parë në moshë të njëjtë 16 vjeçare.
"Gavi është i jashtëzakonshëm, le ta quajmë atë Francesco Totti i ri. Në Spanjë lojtarët mund të vijnë nga ekipet e dyta dhe të ballafqohen me ata më me përvojë".
"Gavi është një lojtar i talentuar dhe talenti i tij po shihe menjëherë. Ai ka guxim të madh që kur i jep rastin e shfrytëzon pa frikë. Atë e pret një e ardhme e ndritur", deklaroi Albetrini.
Gavi e ka nisur karrierën te Real Betis, derisa në moshën 10 vjeçare është bashkuar me Akademinë e Barcelonës, La Masia. /Telegrafi/
