E shndërruar në yllin Festivalit të Filmit në Venecia, Rita Ora rrëmben sërish vëmendjen me paraqitjen e radhës

Rita Ora tregoi tre pamje me stil teksa mbërriti në Venecia gjatë Festivalit Ndërkombëtar të Filmit të premten.

Këngëtarja 32 vjeçe, u sigurua që të gjithë sytë të ishin tek ajo teksa ajo kishte veshur një fustan gjysmë të pastër dhe një fustan të verdhë mahnitës gjatë një xhiroje me varkë.

Ajo u pa gjithashtu teksa po largohej nga hoteli “St. Regis” me një bluzë ngjyrë bezhë me një dekolte të hapur të cilën e kombinoi me një xhaketë lëkure të markës “Prada”.

Duke treguar linjat e saj të tonifikuara të trupit, Rita veshi një palë pantallona të shkurtra gri, ndërsa kishte mbathur edhe një palë çizme të zeza.

Lexo po ashtu Rita Ora vazhdon të shkëlqejë me dukjen në Festivalin e Filmit në Venecia

Duke lënë flokët e saj bionde në valë të lirshme poshtë shpatullave, Rita e kompletoi dukjen e saj me një palë syze dielli me stil.

Për pamjen e saj të dytë, ajo kishte veshur një mini fustan me ngjyra të ndezura, të cilat i jepnin një pamje akoma më të këndshme.

Një veshje e tretë, përmbante një këmishë me printime me lule me një fund të stilit ‘midi’ që përputhej me pjesën e sipërme.

Festivali i 80-të Ndërkombëtar i Filmit në Venecia organizohet nga La Biennale di Venezia dhe drejtohet nga Alberto Barbera.

Lexo po ashtu Gresa Hoti në tapetin e kuq të Festivalit të 80-të të Filmit në Venecia, shkëlqen me dukjen e saj

Ai do të zhvillohet në Venice Lido nga 30 gushti deri më 9 shtator 2023 dhe njihet zyrtarisht nga FIAPF (Federata Ndërkombëtare e Prodhuesve të Filmit).

Festivali u hap me premierën e filmit italian të Luftës së Dytë Botërore, me titull “Comandante”, me regji të Edoardo De Angelis.

Ngjarja do të mbyllet me një dramë në gjuhën spanjolle të Netflix, e cila titullohet “Society of the Snow”.

Festivali shënon fillimin e sezonit të çmimeve dhe vendos rregullisht favoritët e mëdhenj për çmimet “Oscars”.

Tetë nga 11 çmimet e fundit për regjisorin më të mirë në Oscar shkuan për filmat që debutuan në Venecia.

Ka disa kategori që përbëjnë përzgjedhjen zyrtare të filmave të shfaqur, ku në krye janë ata që konkurrojnë për çmimin e lakmuar “Luani i Artë”.

Filma të rinj nga regjisorë duke përfshirë: Bradley Cooper, Yorgos Lanthimos, David Fincher, Michael Mann, Sofia Coppola, Ava DuVernay dhe Ryusuke Hamaguchi do të konkurrojnë për çmimin prestigjioz.

Yjet dhe regjisorët e filmit tradicionalisht kënaqen duke udhëtuar në qytetin lagunor për të promovuar filmat e tyre.

Megjithatë, ky vit do të ofrojë pak më pak shkëlqim se zakonisht, sepse një grevë e aktorëve të Hollywoodit do të pengojë shumë yje të promovojnë punën e tyre këtu. /Telegrafi/