Një e mbijetuar 89 vjeçare nga Aushvic është tani nën mbrojtjen e policisë pasi mori kërcënime antisemitike në internet dhe offline në Itali, sipas raporteve lokale.

Sipas CNN, përcjell Telegrafi, Liliana Segre, e cila ishte vetëm 13 vjeç kur u internua në Aushvic, së fundmi punoi për krijimin e një komiteti parlamentar kundër urrejtjes, racizmit dhe antisemitizmit, i njohur gjithashtu në vend si komisioni Segre.

Por, siç bëhet e ditur tutje, kohët e fundit ajo është bërë shënjestra e rreth 200 sulmeve “veçanërisht agresive” të mediave sociale çdo ditë, i tha CNN-së, “Foundation Jewish Contemporary Documentation Center”.

“Sa herë që hebrenjtë e shquar janë në qendër të vëmendjes së mediave në Itali, ata i nënshtrohen abuzimit antisemitik në internet”, ka thënë Stefano Gatti, nga qendra, për CNN. /Telegrafi/