E mbijetuara e Holokaustit, feston 104-vjetorin e lindjes e rrethuar nga 400 pasardhësit

Shoshana Ovitz, i ka mbijetuar Aushvicit dhe këto ditë ka festuar 104 vjetorin e lindjes te Muri i Vajtimit në Jerusalem, e shoqëruar nga 400 anëtarë të familjes.

Ajo për ditëlindje ka kërkuar që të mblidhen te Muri i Vajtimit të gjithë fëmijët e saj, nipat, mbesat dhe stërnipat, transmeton Telegrafi.

“Kanë ardhur pothuajse të gjithë”, ka njoftuar në Twitter ambasada izraelite në Berlin.

Duke kërkuar familjarët e mbijetuar pas Luftës së Dytë Botërore, Ovitz është njohur me burrin e saj të ardhshëm, i cili në Holokaust kishte humbur gruan dhe katër fëmijët.

Disa vite më vonë u martuan kurse sollën në jetë fëmijën e tyre të parë në Austri, e më vonë u vendosën në Izrael në qytetin Haifi, ku sollën në jetë edhe katër fëmijë.

“Në ahengun e ditëlindjes së saj e kemi kuptuar se sa e rëndësishme është ajo. Të gjithë kemi filluar të qajmë”, ka deklaruar Panini Fridman, stërmbesa e saj që jeton në Belgjikë. /Telegrafi/

For her 104th birthday, Shoshana Ovitz, a survivor of Auschwitz, took a picture with her entire family at the Western Wall, sending a powerful message – The Jewish people live on. #NeverAgain
via: @JBN pic.twitter.com/j29ra2mbsR

— StandWithUs (@StandWithUs) August 8, 2019