E Marta e Sigurisë Kibernetike

Konferenca ndërkombëtare “HACK to LEARN and PROTECT’ me 23 Nëntor në Hotel Emerald në edicionin e saj të dytë sjellë shumë befasi dhe inovacion  mbi sigurinë kibernetike. Ky event i mbështetur nga Ambasada Amerikane në Kosovë, i ka dhënë mundësinë “Albanian Cyber Asociation” për të sjellë në Prishtinë njohësit dhe ekspertët më të shquar të sigurisë kibernetike në rajon e më gjerë.

Konferenca e ndarë në panele diskutimi sjell temat më të nxehta e problemore të sigurisë online  si blockchain, deepfakes, fake news, threat hunting, hacking and forensics. Me fjalë rasti konferencën do ta hap Nick Giacobbe – Charge’ d’Affaires nga Ambasada Amerikane në Kosovë.

Por, sivjet mëtojmë të shkojmë më larg, për t’ju qasur një problemi tepër të madh,  të fushës së komunikimit dhe informimit. LAJMET E RREME “paketohen” aq mirë në mediat online saqë është tepër sfiduese të zbulohen. E gjithë kjo ka bërë që dezinformimi të shpërthejë si një bombë kudo. Viktimat dihen,janë qytetarët që nuk e dallojnë një lajm të rremë nga një lajm me burime dhe fakte të konfirmuara.

Mediat e kanë rastin më të mirë të mundshëm, për të aplikuar metodat më të reja e më të sigurta që të mbrohen nga sulmet kibernetike.

Pjesëmarrja në konferencë është hindride, fizikisht për një numër të limituar të pjesëmarrësve dhe onlajn për dashamirët e kësaj fushe. Linku për aplikim në konferencën gjeni këtu. Zgjedhni opsionin Invitation Only.

Një panel njohësish të kësaj problematike në Kosovë, synon të zbërthejë në cdo formë këtë cështje të marten, duke dhënë po ashtu konkluzat e rekomandimet mbi masat që duhet të merrën që kjo betejë mes gënjeshtres dhe të vërtetës të vihet nën kontrollë.

Nëpër të gjitha panelët kemi involvuar zyrtarë të lartë shtetëror të cilët do të flasin mbi të arriturat dhe sfidat e vendit tonë në fushën e sigurisë kibernetike.

Metoda të sofistikuara dhe të pa detektueshme të hacking me arduino do të prezantohen nga hulumtuesi njohur i sigurisë Kastriot Fetahaj. Po ashtu hakerë të shumtë nga Kosova dhe Shqipëria do të paraqesin teknika më të reja të hacking dhe mënyra për tu mbrojtur.

Blockchain, kriptografia, vula elektronike dhe benefitet e saj do te prezantohen nga ekspertët dhe ligjëruesit e Universitetit te Prishtinës, Prof. Dr. Blerim Rexha dhe Vehbi Neziri.

Klorenta Janushi – Themeluese e Women4Cyber, dhe e përzgjedhur si TOP 100 femrat me influencë në Evropë për siguri kibernetike, do të prezantojë rrugëtimin e saj.

Aktiviteti më zhurmues i eventit është padyshim  edicioni i gjashtë me hakerët etik “THE DAY WHEN HACKIN IS LEGAL VI” të cilët do të testojnë në aspektin e sigurisë kibernetike një numër të madh të portaleve të mediave vendore.

Dhe në këmbim do të shpërblehen me një buxhet prej 20000 dollarë të financuar nga Ambasada Amerikane në Kosovë.

Nëse jeni media e regjistruar në Kosovë, dhe dëshironi të testoni dhe siguroni portalin, mund të aplikoni në linkun këtu.

E nëse  ndani pasion dhe keni njohuri në identifikimin e dobësive në portale, Linku për aplikim si haker këtu.