Strategjia e Sigurisë së Kosovës për vitin 2022-2027 ka shkaktuar përplasje në Kuvendin e Kosovës mes deputetit të AAK-së, njëherit kryetar i Komisionit për Siguri, Bekë Berisha dhe kryeparlamentarit Glauk Konjufca.
Pas prezantimit të strategjisë nga kryeministri Albin Kurti, Konjufca kërkoi nga Berisha që të prezantoi qëndrimet e Komisionit për Siguri.
Deputeti i AAK-së, Bekë Berisha tha se dokumenti që prezantoi kryeministri Albin Kurti është i dobët dhe nuk paraqet strategji.
“Sot kam me veti katër dokumente, pesë me atë që është aktual e që është idobët, dhe dokumentin e fundit që e paraqiti Kryeministri e që paraqet strategjinë kombëtare të sigurisë e që është një dokument frankshtajn i përbërë prej dokumenteve paraprake sikurse u përforcua pak me një fjalim të kryeministrit”, tha Berisha.
Gjatë fjalimit të tij ndërhyri kryeparlamentari Glauk Konjufca duke i thënë se “z.Bershia e patëm raportim e Komisionit, ju lutem”.
Berisha vazhdoi të paraqiste qëndrimin e tij për këtë çështje.
“Ky dokument nuk është sekret, këtë kanë të drejtë me komentu qytetarët, deputetët por edhe Komisioni për Siguri. Ky dokument është mbajt fshehtë prej Komisionit për Siguri, pra prej meje. Dokumenti ka dal për publikun dhe për komente në muajin mars, as unë dhe as anëtarët e tjerë të komisionit nuk kanë qenë të njoftuar paraprakisht që të japim kontributin tonë në këtë strategji”, ka thënë Berisha.
Ai ka shtuar se Qeveria ua ka dorëzuar vetëm pasi është shqyrtuar nga kryeministri duke anashkaluar Komisionin për Siguri, duke e mbajtur të fshehtë.
“Personalisht nuk jam ftuar në asnjë mbledhje të Këshillit Kombëtar të Sigurisë Sa i përket çështjeve të sigurisë, strategjisë, ligjeve pavarësisht dispononit politik jemi përcaktuar me përkrahë këtë sektor. Dokumentin që kemi përpara mund me përngja në një fjalim politik të kryeministrit, ky dokument nuk është strategji. Është përmbledhje e katër dokumenteve të dobëta që i ka bë një zyrtar i shtetit, i cili është shkruar nga një djalë i ri që punon në kryeministri. Është i mjegullt dhe nuk e ndihmon sigurinë, dokumenti duhet me u kthy në Komisionin për Siguri. Ju merreni qysh doni, por ky dokument nuk është adekuat. Unë nuk e votoj këtë strategji”, tha Berisha.
Pas përfundimit të fjalimit të tij, reagoi Glauk Konjufca, duke i thënë deputeti Berisha se keqpërdori foltoren e Kuvendit.
“Unë mendoj se sapo e keqpërdorët foltoren e Kuvendit. E kemi një rend shtëpiak që si deputet keni eksperiencë të mjaftueshme për me ditë qysh është rendi shtëpiak i parlamentit. Së pari prezantohet projektligji, pastaj fjalën e ka komisioni e ti fole në emër të AAK, kjo është e palejueshme”, iu drejtua Konjufca, Berishës.
Pas kësaj reagoi sërish deputeti Berisha.
“Unë e kallxova rrjedhën qysh është dashtë me shku, fola për mospajtimet e mia. Ka muaj që e kam kërkuar draftin …Nuk është strategji e partisë tuaj, por e të gjithëve”, tha Berisha. /Telegrafi/
Lufta Prigozhin - Putin
Më shumëKryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
Mijëra euro kursime, banesa, e shtëpia - çfarë pasurie posedojnë kryetarja e Gjykatës Kushtetuese dhe gjashtë gjyqtarët tjerë?
Mot me shi - mundësi për vërshime në disa zona
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj