Në Qendrën Klinike Universitare të Kosovës (QKUK) ka vdekur një grua e cila dy herë ishte konfirmuar me COVID pozitiv.
Për vdekjen e të ndjerës familjarët kanë raportuar në polici se kjo erdhi shkak i neglizhencës së personelit shëndetësor, për çka policia edhe ka nisur hetime.
Por nga Qendra Klinike Universitare e Kosovës, mohojnë të ketë ndodhur neglizhenca nga stafi mjekësor.
Nga QKUK-ja kanë thënë se pacientja ishte duke u trajtuar në kuadër të Mjekimit Intensiv Qendror COVID, ku po trajtohen rastet e rëndë të konfirmuar me këtë virus.
Po ashtu nga QKUK kanë theksuar se ajo ishte në gjendje të rëndë dhe kishte komplikime shëndetësore për çka edhe përkundër përpjekjeve të stafit shëndetësorë, ajo ka ndërruar jetë.
“Ju njoftojmë se në kuadër të Mjekimit Intensiv Qendror Covid, ku trajtohen rastet më të rënda të konfirmuara me Covid, një paciente e datëlindjes 1947, përkundër angazhimeve dhe përpjekjeve maksimale nga stafi mjekësor, për shkak të gjendjes së rëndë dhe komplikimeve, ka ndërruar jetë”, thuhet në përgjigjen e QKUK-së për KosovaPress.
Nga QKUK, kanë treguar se e njëjta ishte konfirmuar dy herë me COVID-19.
“E njëjta ishte konfirmuar dy herë si COVID-19 pozitiv”, tregojnë nga QKUK.
Megjithatë, me insistim të familjarëve trupi i të ndjerës është dërguar për obduksion.
“Nuk bëhet fjalë për trajtim të pandërgjegjshëm mjekësor, por për insistim të familjarëve për të kryer obduksionin. Me urdhër të prokurorit kujdestar, rasti është dërguar për obduksion në Institutin e Mjekësisë Ligjore”, potencojnë nga QKUK.
Ndërkaq, në raportin 24 orësh, Policia e Kosovës derisa kanë njoftuar për raportimin e familjarit, kanë treguar edhe se tashmë për këtë rast kanë nisur hetimet.
“QKUK, 09.09.2020-08:50. Një mashkull kosovar ka raportuar për një rast të trajtimit të pandërgjegjshëm mjekësor, ku sipas tij si pasojë ka ardhur deri te vdekja e te ndjerës viktimë femër kosovare. Me urdhër të prokurorit kujdestar , trupi i pa jetë i viktimës dërgohet në IML për obduksion. Rasti është duke u hetuar”, thuhet në raportin 24 orësh të Policisë së Kosovës. /KP/
Nga Cinestar
Nga EBC Cosmetics
Nga StaffiX
Nga 75-mall
Lufta Prigozhin - Putin
Më shumë
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
FSK zgjedh ushtarin më të mirë për vitin 2024
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Tentim-vrasja në Dragash, dhëndri plagos ish-vjehrrin jashtë objektit të gjykatës
Gjenden pa shenja jete dy personaa, njëri në Fushë Kosovë e tjetri në Prishtinë
Plagoset një person në Dragash
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre