Metaverse, e cila është një përshkrim imagjinar i internetit në tërësi, tani është popullarizuar falë teknologjisë që shfrytëzon realitetin virtual dhe të shtuar. Dhe tani, një dyqan Fiat është i disponueshëm në metaverse përmes lansimit të ekspozitës së parë në botë në metaverse, Dyqanit Fiat Metaverse.

Reklama

E punuar në bashkëpunim me Touchcast dhe Microsoft, Fiat Metaverse Store ofron një “proces pa stres, real, i menjëhershëm dhe i asistuar nga një njeri” të blerjes së një Fiat-i. Metaverse Store ka edhe një Fiat Product Genius, një person real i cili mund t’u përgjigjet çdo pyetje të një klienti në kohë reale.

Reklama

Dhe përderisa metaverse, zakonisht përdorë realitetin virtual dhe atë të shtuar, Fiat Metaverse Store u mundëson klientëve mos përdorimin e kufjeve VR ose pajisjeve të tjera të kushtueshme. Kjo u bë e mundshme nga Metaverse-as-a-Service i Touchcast i ndërtuar në Microsoft Cloud, raporton motor1, transmeton Telegrafi.

Reklama

“Brenda” Metaverse Store, Product Geniues e mirëpret klientin dhe bashkëpunon me atë në eksplorimin e veturës nëpërmjet pamjeve prej 360 shkallëve. Product Genius gjithashtu do ta ndihmojë klientin që të mësojë më shumë mbi teknologjinë e veturës, duke përshirë edhe adresimin ndaj çdo pyetje në lidhje me lëvizshmërinë elektrike, rikarikimin, dhe çdo përmbajtjeje të Fiat 500-shit të ri.

Reklama

Përderisa La Prima 500 i ri i dizajnuar nga Bocelli është Fiati i vetëm në dispozicion në Metaverse Sotre, prodhuesi italian i veturave tha se do ta zgjerojë dyqanin, ku deri në fund të vitit ata do të shfaqin të gjithë linjën e Fiat 500, përderisa në fillimin e vitit 2023, në dispozicion do të jenë e tërë gama dhe të gjitha produktet e Fiat.

Reklama

Fiat thotë se Product Genius do të jetë në dispozicion nga e hëna deri të premten nga ora 09:00 deri në ora 20:00, ndërsa të shtunave nga ora 10:00 deri në ora 18:00. Klientët do të mund ta vazhdojnë përvojën metaverse të vozitjes testuese në atë fizike duke shkuar tek dyqani më i afërt fizik. /Telegrafi/

Reklama