Dybala sqarohet me tifozët e Juventusit për festën e madhe në fitoren e Romës

Roma e ka mposhtur Juventusin në derbin e xhiros në elitën e futbollit italian Serie A.

Giallorosët triumfuan me rezultat minimal 1-0, falë një goli të shënuar nga Gianluca Mancini në minutën e 55-të të ndeshjes.

Por pas ndeshjes tifozët e Juventusit akuzuan ish-yllin e tyre Paulo Dybalan për festë të tepruar sipas tyre.

Megjithatë sulmuesi argjentinas i cili është shumë i lidhur me tifozët e Zonjës së Vjetër u ka dhënë atyre një sqarim përmes aplikacionit ‘Telegram’.

“E di që kjo është e vështirë për ju dhe është edhe për mua. Megjithatë, unë tani luaj për një klub tjetër dhe me bashkëlojtarë të tjerë, dhe më duhet t’i respektoj ata”.

Lexo po ashtu Qëndrimi në fushë 30 sekondësh i Moise Kean: Shqelmon kundërshtarin dhe largohet me të kuq - e pret një dënim i rëndë

“Nuk është asnjëherë e lehtë të fitosh dhe për ne, ishte shumë e rëndësishme. Respekti nuk do të mungojë kurrë, mos e lejoni veten të mashtroheni nga rrjetet sociale”, u ka shkruar Dybala tifozëve torinez.

Kujtojmë që Dybala po kalon sezonin e tij të parë te Roma pas shtatë viteve të kaluara te Juventusi.

29-vjeçari është lojtari kryesor i Romës ku në 25 ndeshje zyrtare ka realizuar tetë gola e ka asistuar në shtatë të tjerë. /Telegrafi/

Dybala te amo https://t.co/QR41gEhGyR

— Gio🐺 (@weirdgio) March 5, 2023