Dy “siguresat” e hequra nga bomba e parë atomike që u hodh mbi Hiroshima janë shitur për 100 mijë dollarë.

Sipas mediave të huaja, përcjell Telegrafi, bëhet fjalë për pajisjet që u nxorën nga arma 4,4 ton “Little Boy”, përpara se ajo të hidhej për një efekt shkatërrimtar, më 6 gusht të vitit 1945.

Bombardimi vrau mbi 140,000 njerëz, duke sjellë fundin e Luftës së Dytë Botërore me dorëzimin e Japonisë.

“Siguresat” rreth 8 centimetrash, të cilat ishin prej metali dhe druri, thuhet se u mbajtën si një “suvenir” i misionit nga toger Morris Jeppson.

Jeppson kishte treguar se: “Para kësaj kohe, bomba binte nga aeroplanët dhe shpërthente duke goditur tokën”.

Reklama

Ndërsa, sipas tij, “bombat atomike me fuqi shpërthyese duhej të shpërthehen në ajër në lartësi proporcionale me madhësinë e shpërthimit”. /Telegrafi/

Reklama