Pas disa javësh dështimi për të ndarë Evropën rreth agresionit në Ukrainë, Vladimir Putin po i shijon dy fitore të vogla diplomatike të kësaj fundjave.
Si në Hungari ashtu edhe në Serbi, partitë e hapura pro-ruse fituan lehtësisht zgjedhjet legjislative, duke ia kujtuar Putinit se pavarësisht reagimit të vendosur dhe kryesisht të bashkuar të komunitetit ndërkombëtar ndaj pushtimit, ai ka disa miq në perëndim të tij.
Triumfi më i rëndësishëm ishte i kryeministrit hungarez, Viktor Orban, i cili fitoi një numër të madh të votave në zgjedhjet parlamentare. Hungaria është një anëtare e Bashkimit Evropian dhe NATO-s, që do të thotë se Putini mund të pretendojë se ka një mik në krye të dy prej institucioneve që i urren, raporton cnn.
Të dielën mbrëma, gjatë fjalimit të tij të fitores, Orban zemëroi jo vetëm Bashkimin Evropian, por edhe Ukrainën, transmeton Telegrafi.
“Do ta kujtojë këtë fitore deri në fund të jetës sonë, sepse na u desh të luftonim kundër një numër të madh të kundërshtarëve”, tha ai teksa në listën e të “urryerve” ka përfshirë burokratët e Brukselit, mediat ndërkombëtare dhe, pa dyshim, presidentin ukrainas, Volodymyr Zelensky.
Ky i fundit e ka kritikuar drejtpërdrejt Orbanin se nuk po e mbështet aq sa duhet Ukrainën sikurse homologët evropianë.
Ndërkohë, Putin ia uroi fitoren Orbanit.
Por pak besojnë se kjo do të jetë shumë më tepër se një fitore simbolike dhe se kjo do të ndikojë në vendosmërinë e BE-së për Ukrainën.
Realiteti është se Orban pritej të fitonte dhe BE-ja ka vite që punon rreth udhëheqjes së tij. Pavarësisht se u ka zvarritur punët evropianëve, Orban ka ndjekur sanksionet e BE-së kundër Rusisë dhe ka qenë kryesisht në përputhje me pjesën tjetër të aleancës perëndimore. Blloku kryesor i Hungarisë në drejtim të mbështetjes së Ukrainës ka qenë ngurrimi i Orbanit për të lejuar që armët e perëndimit të kalonin nëpër vendin e tij për të mbështetur trupat ukrainase.
Hungaria është gjithashtu pengesa kryesore në bisedimet e BE-së për ndalimin e importeve të energjisë nga Rusia. Gjermania tha gjatë fundjavës se bllokut i duhej të diskutonte një ndalim të gazit rus pas raporteve për krime lufte të kryera në Ukrainë – një lëvizje që Orban e ka përjashtuar vazhdimisht.
Kokëfortësia e Hungarisë ka mërzitur aleatin kryesor Poloninë, shkelësin tjetër kryesor të sundimit të ligjit në Evropë, e cila ka përdorur të drejtën e vetos për të mbrojtur Orbanin nga ndëshkimet e BE-së shumë herë në vitet e fundit. Është e paqartë nëse Polonia do ta bëjë këtë pas përfundimit të luftës.
Situata është shumë e ndryshme në Serbi, pasi ajo nuk është anëtare e BE-së apo NATO-s. Aktualisht po kalon procesin e anëtarësimit në BE, me negociatat që pritet të përfundojnë në dy vitet e ardhshme.
Presidenti i Serbisë, Aleksandar Vuçiq, është vënë në një pozitë të vështirë nga pushtimi rus në Ukrainë.
Për vite me radhë, ai është përpjekur të balancojë ruajtjen e lidhjeve të forta diplomatike dhe ekonomike me Rusinë (dhe një dashuri të veçantë për Putinin) me përqafimin perëndimor që do të vinte me anëtarësimin e plotë në BE.
Gjatë fushatës zgjedhore, Vuçiq nuk devijoi nga ky ekuilibër dhe kandidoi me një platformë të paqes dhe stabilitetit në rajon, raportoi reuters.
Serbia është pothuajse tërësisht e varur nga gazi rus, ndërsa ushtria e saj mban lidhje me ushtrinë ruse.
Edhe pse Serbia mbështeti dy rezoluta të Kombeve të Bashkuara që dënojnë pushtimin rus të Ukrainës, ajo refuzoi të vendosë sanksione kundër Moskës.
Kremlini gjithashtu mbështet kundërshtimin e Beogradit ndaj pavarësisë së Kosovës duke bllokuar anëtarësimin e saj në Kombet e Bashkuara.
Putin gjithashtu e urori për fitoren mikun e tij, Vuçiq.
Ndryshe, nuk ka dyshim se rezultatet e zgjedhjeve të fundjavës – veçanërisht në Hungari – do të kenë bërë që Putini të buzëqeshë dhe udhëheqësit në Bruksel të mbajnë “kokën me duar”.
Për BE-në, fitorja e Orbanit do të thotë pak a shumë e njëjta gjë. Ai mund t’i sigurojë Putinit disa fitore propagandistike dhe mund të vendosë frena në planet më të gjera të BE-së në të ardhmen. /Telegrafi/
Promo
Reklamo këtuLufta Prigozhin - Putin
Më shumëNga Rubrika
SHBA do të dërgojë ndihma të reja menjëherë në Ukrainë, thotë Biden – madje që në orët e ardhshme
Presidenti kinez shkon në Beograd te aleati i tij Vuçiq në 25-vjetorin e bombardimit të ambasadës kineze nga NATO
Rusia kërkon të prishë Samitin e Paqes, thotë Zelensky
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
SHBA dërgoi fshehurazi raketa me rreze të gjatë në Ukrainë?
Presidenti kinez shkon në Beograd te aleati i tij Vuçiq në 25-vjetorin e bombardimit të ambasadës kineze nga NATO
SHBA do të dërgojë ndihma të reja menjëherë, thotë Biden – madje që në orët e ardhshme
Rusia kërkon të prishë Samitin e Paqes, thotë Zelensky
Ushtari rus filmon momentin kur sistemi artilerik i Kremlinit hidhet në erë në Ukrainë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert