0Shares

Dy burra e kanë gjetur veten të braktisur nga gratë e tyre, në dy raste të ndryshme në Tiranë dhe Librazhd, duke denoncuar zhdukjen e tyre.

Sipas burimeve policore, gjatë ditës së djeshme, 31-vjeçari B.I., banues në Tiranë, kallëzon se, më 11 shtator i është larguar nga banesa bashkëshortja, E.I., 23 vjeçe.

Ai ka thënë para uniformave blu se nuk e ka gjetur as tek familjarët, duke u shprehur i shqetësuar se ku mund të ndodhet.

Aktualisht po punohet për gjetjen e saj, ndërsa materialet u referuan në Prokurorinë e Tiranës.

Rasti i dytë ka ndodhur në Librazhd, ku një burrë ka denoncuar po gjatë së martës, zhdukjen e bashkëshortes.

N.B., 53 vjeç, banues në fshatin Dardhë, ka thënë para uniformave blu se qysh nga data 7 shtator, nuk di ku ndodhet e shoqja, raporton Syri.net.

Ai ka deklaruar se i është larguar nga banesa pa gjurmë bashkëshortja S.B., 46 vjeçe.

Burri ka deklaruar se mes tyre nuk ka pasur probleme, duke u shprehur i shqetësuar për çfarë mund të ketë ndodhur.

Nga ana e policisë po punohet për gjetjen e saj, ndërkohë që materialet i kaluan Prokurorisë së Elbasanit për vlerësim.

Të Ngjajshme
Shfaq Komentet (0)