Dua publikon videon kur elektrizon publikun me flamurin kombëtar dhe bën shqiponjën me duar

Dua Lipa ka qenë kryetema e këtyre ditëve në Kosovë, falë pjesëmarrjes së saj në Festivalin Sunny Hill.

Ylli me renome ndërkombëtare ka qenë personazhi kryesor i edicionit të sivjetmë të këtij festivali, i cili mbahet në parkun e Gërmisë në datat 10, 11 dhe 12 gusht.

Këngëtarja e famshme e ka mbajtur koncertin e saj në ditën e parë të festivalit (të premten) duke krijuar një atmosferë të paharruar.

Ndërkaq, 22-vjeçarja ka qenë e pranishme në zonën VIP edhe në natën e dytë të Sunny Hill duke shijuar atmosferën e krijuar nga yjet vendore dhe shqiptarët tjerë të famshëm.

Lexo po ashtu Lajmet për Dua Lipën

https://www.instagram.com/p/BmYgplNFBgG/

Duke qenë se vëmendja ka qenë vazhdimisht tek ajo, në rrjetet sociale janë publikuar video të shumta me fokus Duan.

Ndërsa një prej xhirimeve e ka publikuar vet këngëtarja, në të cilën shfaqet duke e ngritur flamurin kombëtar dhe njëherësh bën simbolin e shqiponjës me duar.

https://www.instagram.com/p/BmYixOlFnKl/

Natyrisht se reagimi i publikut është mahnitës me brohoritje drejt këngëtares së famshme.

G4shi, Action Bronson, Ledri Vula, Lyrical Son, MC Kresha, Tayna, Gjiko, janë disa prej yjeve që kanë interpretuar në natën e dytë të Festivalit Sunny Hill. /Telegrafi/