Në Këshillin Atlantik, artistja shqiptare Dua Lipa, është takuar edhe me presidenten e Komisionit Evropian, Ursula von der Leyen.

Derisa u shfaqën disa momente të tyre së bashku, këngëtarja me origjinë nga Kosova i kërkoi kryetares edhe liberalizimin e vizave për Kosovën.

26-vjeçarja, e lindur në Londër, tha se pasi Kosova ka mbushur të gjitha kriteret dhe Komisioni Evropian ka rekomanduar liberalizimin e vizave për më shumë se tre vjet më parë, ‘a nuk është koha të arrihet tani?’.

Dua Lipa (Foto: Instagram)

“Të rinjtë luftojnë për të gjetur punë dhe mundësitë e tyre pengohen nga kufizimet që e bëjnë të vështirë udhëtimin për punë ose kënaqësi. Pasi kemi përmbushur të gjitha kriteret, Komisioni Evropian në fakt ka rekomanduar liberalizimin e vizave për Kosovën për më shumë se tre vjet më parë. Pra, a mendoni se ne mund ta arrijmë atë tani?”, ka qenë pyetja me të cilën i është drejtuar Von der Leyen.

“Si themi në Kosovë, Mirëmbrëma”, Dua Lipa nisi fjalimin në Këshillin Atlantik me fjalë shqipe “Si themi në Kosovë, Mirëmbrëma”, Dua Lipa nisi fjalimin në Këshillin Atlantik me fjalë shqipe

“Kosova është edhe shteti më i ri në Evropë në një mënyrë tjetër. Janë vetëm 13 vjet të shkurtra në rrugëtimin tonë të pavarësisë. Dhe si pjesë e një komuniteti të fortë ndërkombëtar ne do të lulëzojmë emocionalisht. Ne do të lulëzojmë edhe ekonomikisht e kulturalisht. Është në gjenet tona. A nuk do të ishte e përshtatshme nëse Kosova mund të zinte vendin e saj brenda atij bashkimi paqësor, të lulëzonte ekonomikisht përkrah fqinjëve tanë dhe të shëronte lëndimin e konfliktit të fundit?”, vazhdon më tej bukuroshja shqiptare.

Në ceremoninë e ndarjes së çmimeve në Këshillin Atlantik (Foto: Instagram)

Krejt në fund, Dua ftoi edhe presidenten e Kosovës, Vjosa Osmanin, gjersa iu drejtua: “Ftoj në skenë lideren e re të Kosovës, shkëlqesinë e saj, presidenten Vjosa Osmani”.

Në përvjetorin e 60-të të ndarjes së çmimeve, krijuesja e hitit “One Kiss” u nderua si “Artistja e shquar e vitit 2021”. /Telegrafi/