Drejtuesit gjermanë tani mund të paguajnë karburantin përmes Mercedes-Benz-it të tyre

Pronarët e Mercedes-Benz në Gjermani tani mund të paguajnë karburantin përmes sistemit të info-argëtues të veturës së tyre.

Kompania e kartave të kreditit Mastercard ka partnerizuar me Mercedes-Benz për të lansuar ‘Pay+’, e cila do t’i lejojë shoferët të paguajnë për benzinën ose naftën e tyre duke përdorur vërtetimin e gjurmëve të gishtave nga brenda veturës së tyre.

Kur një Mercedes-Benz i përputhur ndalet në një stacion shërbimi të lidhur dhe fik motorin, në ekran shfaqet opsioni për të paguar përmes sistemit të info-argëtimit MBUX të veturës, shkruan Drive, përcjell Telegrafi.

Sistemi shfaq automatikisht ngarkesën maksimale, e llogaritur në bazë të çmimit të karburantit dhe boshllëkut të rezervuarit.

Pasi autorizohet duke përdorur gjurmën e gishtit të shoferit, më pas vetura mund të mbushet, me shumën përfundimtare që shfaqet në ekran dhe faturën e ngarkuar në Mastercard-in e tyre – të gjitha duke shmangur dyqanin e servisit.

Ndërsa shërbimi është në dispozicion në vetëm 3,600 pika karburanti në Gjermani, është e mundur që teknologjia të shpërndahet në vende të tjera në vitet e ardhshme. /Telegrafi/