Ish-pjesëtarët e Ministrisë së Punëve të Brendshme të Serbisë, Zoran Kostiq, Dragan Milloviq i njohur me nofkën Musa dhe Illija Elezoviq, janë tre serbët e arrestuar dje nga Policia e Kosovës nën dyshimet për krime lufte.
KALLXO.com ka siguruar dosjen ekskluzive të gjykatës përmes të cilës Prokuroria Speciale ka kërkuar paraburgimin e të lartcekurve.
Në dosje thuhet se në mars të vitit 1999, një grup i policëve paramilitar serbë janë vendosur në fshatin Reznik, më saktësisht në shtëpinë një personi.
Sipas dosjes, i dyshuari Zoran Kostiq ka qenë komandant i këtij grupi paramilitar dhe i njëjti ka udhëhequr çdo veprim të tyre.
Një ndër këto veprime, sipas dosjes ishte edhe masakra në familjen Ujkani të cilën sipas dosjes e kishte udhëhequr i dyshuari Kostiq.
Dosja thotë se pas ekzekutimit të viktimave të kësaj masakre ishin djegur shtëpitë dhe trupat e viktimave nëpër shtëpitë e tyre në fshatin Reznik.
Sipas dosjes së gjykatës, i dyshuari Elezoviq në shkurt të vitit 1999 në fshatin Nakovc, i armatosur me snajper duke lëvizur me veturë ka shtënë në drejtim të viktimës S.F. duke e goditur të njëjtin në këmbën e majtë.
Pasi viktima ishte rrëzuar, i dyshuari kishte shtënë sërish në drejtim të tij, por që fatmirësisht kishte shpëtuar dhe ka ikur në drejtim të Vushtrrisë ku i plagosur ka marrë ndihmën e parë një mjek, thuhet në dosje.
Gjatë kësaj kohe, sipas dosjes, i dyshuari ka qenë së bashku me disa persona të tjerë të cilët ende janë të paidentifikuar.
Ndërkaq dosja thotë se me datë 22 maj të po atij viti, tek varrezat e qytetit të Vushtrrisë, forcat serbe kishin tubuar rreth 20–50 mijë banorë civilë, të cilët ishin dëbuar nga vendbanimet e tyre.
Tutje, sipas dosjes së Prokurrisë, këta qytetarë ishin urdhëruar të uleshin në tokë me ç’rast kishin filluar t’i rrihnin, duke i goditur me shkop druri në pjesën e kokës dhe pjesë të tjera të trupit.
Sipas dosjes, të dyshuarit në bashkëkryerje me anëtarë të tjerë të forcave serbe i kanë ndarë meshkujt nga anëtarët e tjerë të familjes, të cilët i ngarkojnë në kamionë dhe më pas i dërgojnë në sallën e sporteve të Vushtrrisë, ku iu kishin drejtuar me fjalët se “kush ka para do t’i lirojnë”.
Këta persona nuk janë liruar por pasi u janë marrë paratë janë rrahur në mënyrë çnjerëzore dhe më pas janë dërguar në Burgun e Smrekonicës, thuhet tutje në dosjen e Prokurorisë.
Tutje, thuhet se këta persona janë lënë në kushte skllavërie, në mungesë të kushteve elementare për jetë e po ashtu ishin rrahur, torturuar e trajtuar në mënyrë ç’njerëzore nga ana e të dyshuarve.
Këtë burgosur ishin dërguar fillimisht në Shkollën Teknike në Mitrovicë për dhënien e deklaratave, pastaj sërish në Burgun e Smrekonicës e nga burgu në drejtim të Shqipërisë.
Sipas dosjes së Prokurorisë këto veprime të pretenduara të të dyshuarve bien në kundërshtim me rregullat e të drejtës ndërkombëtare, dhe atë Konventën e Gjenevës.
Këtë kërkesë për caktim të masës së sigurisë e ka përpiluar Prokurorja Speciale, Florije Shamolli.
Lufta Prigozhin - Putin
Më shumëShqiptohen 10 gjoba për dhënien e "Ozempic" pa recetë të mjekut - Spitali i Gjilanit raporton për tre raste me efekte të dyshimta nga përdorimi i tij
Arrestohet një person në Bërnjak, kishte vendosur 50 euro në mesin e dokumenteve gjatë kontrollit në pikën kufitare
Një veturë mbi 5 mijë euro dhe disa para të kursyera, çfarë pasurie ka Drejtori i Përgjithshëm i Policisë, Gazmend Hoxha?
Përleshje fizike mes dy personave në Prishtinë, një polic lëndohet gjatë intervenimit për t'i vënë në kontroll
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Tahiri: Kurti të jap shpjegim pse Serbia mbeti e pa ndëshkuar edhe pas rastit në Banjskë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur