LAJMI I FUNDIT:

Dorëzohen kapitenët e Kombëtareve evropiane para FIFA, nuk do ta bartin shiritin me ngjyrat e ylberit

Dorëzohen kapitenët e Kombëtareve evropiane para FIFA, nuk do ta bartin shiritin me ngjyrat e ylberit

Kapitenët e Anglisë, Uellsit, Belgjikës, Danimarkës, Francës, Gjermanisë dhe Holandës ishin të vendosur ta mbanin shiritin ‘One Love’ për të drejtat e komunitetit LGBTQ+.

Edhe pse insistuan ata për ta mbajtur shiritin me ngjyrat e ylberit në krah, një gjë e tillë nuk do t’iu lejohet, pasi FIFA i paralajmëroi se do të ndëshkohen me kartonë të verdhë para se të nisë ndeshja.


Federatat e këtyre shteteve treguan gatishmërinë për të paguar një gjobë nëse do ta mbanin shiritin, por pasi u bë e qartë se kapitenët e tyre do të sanksionoheshin, ata duhej të ndryshonin planet.

“FIFA ka qenë shumë e qartë se do të vendosë sanksione sportive nëse kapitenët tanë mbajnë shiritat në fushën e lojës”, thuhet në një deklaratë të përbashkët nga Kombëtaret në fjalë.

“Si federata kombëtare, ne nuk mund t’i vendosim lojtarët tanë në një pozicion ku ata mund të përballen me sanksione sportive, duke përfshirë kartonët e verdhë, kështu që ne i kemi kërkuar kapitenëve që të mos përpiqen të mbajnë shiritat në ndeshjet e Kupës së Botës”.

“Ne ishim të përgatitur të paguanim gjoba që normalisht do të zbatoheshin për shkeljet e rregulloreve të fanellave dhe kishim një përkushtim të fortë për të mbajtur shiritin në krah. Megjithatë, ne nuk mund t’i vendosim lojtarët tanë në situatën ku ata mund të ndëshkoheshin apo edhe të detyroheshin të largoheshin nga fusha e lojës”.

“Ne jemi shumë të frustruar nga vendimi i FIFA-s, i cili besojmë se është i paprecedentë. I kemi shkruar FIFA-s në shtator duke i informuar për dëshirën tonë për të mbajtur shiritin ‘OneLove’ për të mbështetur aktivisht përfshirjen në futboll dhe nuk patëm përgjigje. Lojtarët dhe trajnerët tanë janë të zhgënjyer, ata janë mbështetës të fortë të përfshirjes dhe do të tregojnë mbështetje në mënyra të tjera”, thuhej në deklaratën e përbashkët të federatave në fjalë.

FIFA njoftoi para fillimit të Kupës së Botës se do të ketë shtatë shirita të ndryshëm në dispozicion për çdo raund të garës, secila me slogane të ndryshme të mesazheve sociale.

Por menjëherë pasi shtatë kombet njoftuan se nuk do të mbanin shiritin “OneLove” të hënën, FIFA njoftoi se do ta vërë në dispozicion shiritin ‘Pa diskriminim’, gjatë gjithë turneut, kur më parë ishte caktuar të vihej në fazën çerekfinale. /Telegrafi/

Në trend Sport

Më shumë
Fjalët e para të Toni Kroos pasi luajti ndeshjen e tij të fundit në “Santiago Bernabeu”

Fjalët e para të Toni Kroos pasi luajti ndeshjen e tij të fundit në “Santiago Bernabeu”

La Liga
U tha se do të shkarkohej pas finales së FA Cup, Ten Hag sqaron të ardhmen e tij

U tha se do të shkarkohej pas finales së FA Cup, Ten Hag sqaron të ardhmen e tij

Premier League
Protagonist absolut, statistikat e Granit Xhakës flasin për dominimin e tij - shpallet lojtar i ndeshjes në finale

Protagonist absolut, statistikat e Granit Xhakës flasin për dominimin e tij - shpallet lojtar i ndeshjes në finale

Bundesliga
Granit Xhaka shënon një super gol nga 30 metra distancë në finalen e Kupës së Gjermanisë

Granit Xhaka shënon një super gol nga 30 metra distancë në finalen e Kupës së Gjermanisë

Bundesliga
Conte te Napoli kërkon tre ish yjet e Serie A dhe garanci për blerjen e tyre

Conte te Napoli kërkon tre ish yjet e Serie A dhe garanci për blerjen e tyre

Serie A

"Nuk do të toleroj dikë që të përdorë emrin tim" - Ter Stegen shpërthen dhe mohon të ketë folur me Laportan për Xavin

La Liga
Kalo në kategori