LAJMI I FUNDIT:

Dogana konfiskon 30 automjete në Rahovec dhe Malishevë

Dogana konfiskon 30 automjete në Rahovec dhe Malishevë

Dogana e Kosovës njofton se ka konfiskuar 30 automjete të pa-zhdoganuara në komunat Rahovec dhe Malishevë.

Sipas Doganës, këto vetura janë gjetur në tri lokacione.

“Njësitë e Doganës të Kosovës kanë identifikuar dhe kryer kontrollin e automjeteve me targa të huaja, si dhe kanë gjetur auto pjesë pa dokumentacionin e nevojshëm që dëshmon se automjetet nuk janë te zhdoganuara”, thekson Dogana.

“Si rezultat të këtyre kontrolleve, janë zbuluar dhe sekuestruar 30 automjete të pa-zhdoganuara, si dhe pjesë të automjeteve të paligjshme në këto tri lokacione. Në përputhje me procedurat ligjore, është filluar procesi i kundërvajtjeve”, përfundon njoftimi. /Telegrafi/