Disa të vdekur pas rrëzimit të aeroplanit të vogël në Nashville

Disa njerëz kanë vdekur pasi një aeroplan i vogël me një motor u rrëzua teksa u përpoq të bënte një ulje emergjente në Nashville, Tennessee, SHBA.

Kulla e kontrollit në aeroportin “John Tune” të Nashville mori një mesazh rreth orës 19:40 E.T. nga një pilot, i cili tha se aeroplani i tyre po përjetonte një ndërprerje të motorit dhe energjisë ndërsa kishte nevojë që të ulet, tha Don Aaron, drejtor i marrëdhënieve publike për Policinë Metropolitane të Nashville në një konferencë shtypi të hënën mbrëma. Kulla dha lejen, por ndërsa lëvizte drejt aeroportit, piloti tha se aeroplani nuk do të arrinte, sipas Aaron.

Dëshmitarët i thanë policisë se aeroplani ishte në gjendje të vështirë, raporton abcnews.

🚨#BREAKING: A Small plane has crashed resulting in Multiple fatalities on board

📌#Nashville | #Tennessee

Earlier this evening, a small single-engine airplane with the tail number N422RJ, departing from Huntsville, Alabama, crashed off the eastbound lanes of I-40 in… pic.twitter.com/tIeDnTrqjn

— R A W S A L E R T S (@rawsalerts) March 5, 2024

Aeroplani u rrëzua larg korsive në Lindje të rrugës ndërshtetërore 40, tha ai.

Njësitë zjarrfikëse janë përballur me flakë të mëdha pasi kanë arritur në vendngjarje, por kanë mundur ta shuajnë atë dhe të ruajnë provat nga vendi i ngjarjes.

Si Administrata Federale e Aviacionit ashtu edhe Bordi Kombëtar i Sigurisë së Transportit janë rrugës për të hetuar incidentin, tha Aaron.

Zyrtarët lokalë po punojnë me autoritetet federale për të përcaktuar se nga e ka origjinën aeroplani. Autoritetet gjithashtu nuk e dinë ende se kush ishte në bord.

Rruga ndërshtetërore u mbyll pas incidentit dhe hetimet për aksidentin janë në vazhdim. /Telegrafi/