Disa lojtarë të Real Madrid ‘të pakënaqur me Ancelottin’, ata e shohim si të njëanshëm në disa vendime

Disa lojtarë të Real Madridit kanë humbur besimin te Carlo Ancelotti dhe janë të pakënaqur me të për trajtimin e njëanshëm të disa lojtarëve brenda skuadrës, shkruan Relevo.

Thuhet se Ancelotti është i shpejtë për t’i qortuar disa lojtarë kur bëjnë gabime, ndërsa i shpërfill të tjerët kur bëjnë gabime të ngjashme.

Madje, trajneri italian ka kërkuar falje për goditjen e disa lojtarëve në dhomën e zhveshjes.

Lojtarët janë gjithashtu të pakënaqur me mungesën e rotacionit me Ancelottin, gjë që e ka bërë ekipin të lodhet më shumë se kurrë, pavarësisht se aktualisht jemi në janar.

Në ndeshjen kundër Barcelonës, Jude Bellingham ishte dukshëm i lodhur pasi luftoi me një dëmtim në gjysmëfinale, por Ancelotti e lejoi atë të luante të gjithë ndeshjen.

Real Madridi është kthyer në Spanjë pas humbjes së tyre, por shumë media të njohura shkruajnë se bordi nuk e ka ndërmend ta shkarkojë Ancelottin.

Lexo po ashtu Real Madridi e ka zgjedhur trajnerin që do ta zëvendësojë Ancelottin nëse shkarkohet

Megjithatë, ditët e tij do të jenë të numëruara nëse skuadra vazhdon të dështojë. /Telegrafi/