Dimitrievski: Gruevski frikësohet nga pastrimi i listës zgjedhore

Kryetari i Komisionit për Mbrojtje nga LSDM-ja, Maksim Dimitrievski, i shoqëruar nga një anëtar i Bordit Ekzekutiv, Darko Davitkovski, ishte në mesin e qytetarëve të vendbanimeve dhe komunës Selemli dhe Stojakovë, komuna Bogdanci, transmeton Telegrafi Maqedoni.

Në takim u bisedua për problemet lokale, për masat e programit të LSDM-së dhe për situatën aktuale politike.

‘Kaosin të cilin e krijoi Nikolla Gruevski dhe VMRO-DPMNE është më se e qartë. E keni vërejtur edhe vet, përveç se ata vodhën paratë nga xhepi i qytetarit të Maqedonisë, atë vodhën të drejtën tuaj të zërit. 330 mijë votues të dyshimtë në listën zgjedhore që duhet të kontrollohen janë prova më e mirë për këtë. Nikolla Gruevski ka frikë nga pastrimi i listës zgjedhore për shkak se nga pastrimi i listës zgjedhore ai do të humbasë, tha Dimitrievski.

Dimitrievski mes tjerash tha para qytetarëve se pastrimi i listave zgjedhore dhe rregullimi i çështjes së mediave janë kushte për zgjedhje të drejta dhe demokratike. Në zgjedhje fer LSDM-ja fiton. Në ndryshimet sëbashku, ne do ta ndërtojmë një Maqedoni evropiane, të suksesshme dhe të begatshmne. /Telegrafi/