Dështuan në Adama Traoren dhe Luis Diaz – Tottenhamin e refuzon edhe lojtari nga liga e shtatë e Anglisë

Antonio Conte po përpiqet dëshpërimisht të forcojë skuadrën e tij, Tottenham Hotspur këtë janar.

Por, pavarësisht përpjekjeve të klubit, ata kanë qenë të frustruar në tentimet e tyre për përforcime.

Spurs humbën dy nga objektivat e tyre kryesore në fillim të kësaj jave.

Lexo po ashtu Zyrtare: Adama Traore, lojtar i Barcelonës

Gjigantët e Londrës veriore po tentonin të nënshkruanin me Adama Traoren, por anësori zgjodhi një rikthim te Barcelona.

Spurs ishin gjithashtu të prirur për një lëvizje për sulmuesin e Portos, Luis Diaz.

Megjithatë, sulmuesi kolumbian zgjodhi të kalonte te Liverpooli, derisa testet mjekësore i përfundoi në Amerikën Jugore.

Pasi humbën Diaz dhe Traore, Spurs shpresonin të nënshkruanin me Ollie Tanner.

19-vjeçari aktualisht luan për Lewes në Premier Ligën Isthmian, që luan në nivelin e shtatë të futbollit anglez.

Spurs kishte rënë dakord për një tarifë me Lewes për Tanner dhe pritej që ai të bashkohej me klubin.

Lexo po ashtu Zyrtare: Luis Diaz, lojtar i ri i Liverpoolit

Megjithatë, Tanner është bërë lojtari i fundit që ka refuzuar një lëvizje në skuadrën e Londrës veriore.

Leëes zbuloi se adoleshenti kishte refuzuar një lëvizje në një deklaratë.

Aty thuhej: “Klubi i Futbollit Lewes dëshiron të konfirmojë se derisa klubi dhe një tjetër klub i Ligës Premier ranë dakord për një marrëveshje në parim për transferimin e Ollie Tanner, Ollie dhe klubi i elitës së futbollit anglez nuk ishin në gjendje të bien dakord përfundimisht për kushtet personale dhe ai mbetet në Lewes”.

“Tanner humbi ndeshjen e sotme kundër AFC Hornchurch për shkak të një lëndimi të pësuar në mesjavë dhe ne e mirëpresim atë krahë hapur sapo të shërohet”.

Tanner më parë ka luajtur për rivalin lokal të Tottenhamit, Arsenalin, si dhe për Charlton Athletic dhe Bromley.

Sipas Athletic, i riu ka tërhequr interesimin e skuadrave si Brighton, Southampton, Cardiff dhe Luton.

Është një tjetër goditje në atë që ka qenë një afat zhgënjyes i transferimeve për Spurs.

Ata kanë vetëm disa ditë për të përforcuar skuadrën e tyre para mbylljes së afatit të transferimeve. /Telegrafi/