Alarmi vjen nga Luksemburgu: Dërgimi i trupave perëndimore në Ukrainë do të na sillte në prag të Luftës së Tretë Botërore

Ministri i Jashtëm i Luksemburgut ka paralajmëruar se dërgimi i trupave perëndimore në Ukrainë do të na sillte në prag të një lufte të tretë botërore.

Xavier Bettel ka folur për Anadolu Agency të shtunën në Forumin e Diplomacisë në Antalia për qëndrimin e Evropës për luftën në Ukrainë, krizën humanitare në Gaza dhe zgjedhjet e ardhshme të parlamentit të BE-së, përcjell Telegrafi.

Lexo po ashtu Scholz i Gjermanisë deklarohet rreth 'rrjedhjes shumë serioze' të bisedimeve të ushtrisë së tij për luftën në Ukrainë

“Pra, ne duhet të shmangim dërgimin e trupave dhe duhet të vazhdojmë të mbështesim Ukrainën dhe presidenti [rus, Vladimir] Putin duhet të kuptojë se ata bënë një gabim”, tha ai.

Sipas ministrit, dërgimi i trupave në ndihmë të Kievit “do të ishte vërtet” gjëja e fundit për t’u bërë.

Në fillim të kësaj jave, presidenti francez Emmanuel Macron refuzoi të përjashtonte dërgimin e trupave perëndimore në Ukrainë, ku Rusia nisi një “operacion special ushtarak” dy vjet më parë.

Bettel tha se Luksemburgu mbështet Ukrainën dhe gjithashtu agjencinë e OKB-së për refugjatët palestinezë, duke theksuar se gratë dhe fëmijët e Palestinës ishin viktima dhe pa para, njerëzit mund të vdisnin gjithashtu nga uria.

Lexo po ashtu Në zonën që njihet si "rruga e vdekjes": Ukrainasit publikojnë pamjet që tregojnë shkatërrimin e një kolone të madhe makinerish ruse

Luksemburgu ka vazhduar financimin e UNRWA-s pasi një mori e kombeve perëndimore pezulluan kontributet e tyre mbi akuzat se punëtorët e saj morën pjesë në sulmet e 7 tetorit kundër Izraelit.

Ndërsa lidhur me zgjedhjet parlamentare evropiane në qershor, Bettel tha se dëshironte që demokratët të kishin shumicën. /Telegrafi/