Deputeti nga radhët e komunitetit turk në Kuvendin e Kosovës, Fikrim Damka sot në seancën e Kuvendit të Kosovës ka kërkuar që të shkarkohet ambasadori i Kosovës në Francë, Qëndrim Gashi ose nuk do të votojnë asnjë ligj.
Damka ka thënë se sjellja e ambasadorit Gashi përbën një mosrespektim të madh për botën islame dhe vlerat e njerëzimit, përfshirë dhe vendit që ai e përfaqëson dhe qytetar i të cilët është.
Lexoni të plotë deklaratën e Damkës:
Fillimisht, më lejoni që të përgëzoj dhe të shprehi urimet e mija më të sinqerta në kuadër të festës së 97 vjetorit të themelimit të Republikës së Turqisë si një vend mik e i afërt, duke dëshiruar një të ardhme të ndritur ideologjike dhe intelektuale me plot vendosmëri dhe bindje në Ditën e Republikës, një ditë e rëndësishme e luftës së madhe të kombit turk. E gjithë dëshira ime është që gjeneratat e rinj, të cilët do të rriten në brezin dhe të ardhmen e sigurt dhe të qëndrueshëm të kombit turk, do ta mbajnë gjallë dhe do ta çojnë përpara këtë frymë.
Përkundër pandemisë edhe këtë vit, si çdo vit tjetër, Dita e Republikës do të festohet me shumë entuziazëm kudo që kombi turk dhe gjuha turke mbahet gjallë.
Me këto ndjenja, uroj që Dita e Republikës, 29 Tetori, një nga momentet më të rëndësishme të historisë së lavdishme të kombit tonë, të jetë e bekuar dhe e lumtur.
Një çështje tjetër shumë e rëndësishme për të cilën duhet të flas sot është shqetësuese dhe e lidhur ngushtë me të gjithë ne. Kohëve fundit, kemi hasur në disa deklarata nga zyrtarë të lartë shtetërorë në Evropë që kanë fyer dhe shpifur në mënyrë të qartë Islamin duke synuar eliminimin e vlerave të tolerancës dhe respektit ndërfetar. Në të ardhmen këto retorika mund të na shkaktojnë pasoja të padëshiruara dhe mund të na fusin në një rrugë të pakthyeshme.
Përderisa kujdesi duhet të jetë i pashmangshëm në këtë drejtim, Ambasadori ynë në Francë e ka futur veten dhe Kosovën në një pozitë mjaftë të vështir.
Ambasadori i një vendi me shumicë myslimane shpërndau një mesazh mosrespektues dhe anti-islamik, duke shpërfillur Kushtetutën dhe vlerat themelore të Republikës së Kosovës, i cili thekson rëndësinë tolerancës ndërfetare dhe të karakterit unitar, dhe duke shkaktuar një dëm të vështirë për të kompensuar ndaj imazhit të Republikës së Kosovës si dhe kështu duke nxitur anti-islamizmin.
Sjellja e tillë e Ambasadorit, e cila shkakton një urrejtje ndaj fesë dhe besimit, përbën një mosrespektim të madh për botën Islame dhe vlerat e njerëzimit, përfshirë dhe vendit që ai e përfaqëson dhe qytetar i të cilët është.
Si një sjellje e papranueshme për ne, përkundër kërkesës dhe letrës zyrtare për shkarkimin e menjëhershëm të Ambasadorit drejtuar kryeministrit Avdullah Hoti dhe presidentit Hashim Thaçi, për fat të keq deklarojmë që institucionet përkatëse nuk kanë ndërmarrë hapa konkrete ndaj çështjes në fjalë.
Fyerja ndaj Profetit Muhamed është një fyerje për të gjithë botën islame. Të gjithë duhet të reagojmë pa bërë dallime ndërmjet turqve, shqiptarëve, boshnjakëve, romëve dhe goranëve kur bëhet fjalë për veprime që dëmtojnë fenë dhe besimin tonë, prandaj është turp i madh për ne që të heshtim dhe të mos hedhim asnjë hap në një vend ku 90% i popullsisë i përket fesë islame.
Si Grup Parlamentar 6+, unë do të doja t'ju informoja nga këtu që përveç ligji COVID-19 dhe ligji për rimëkëmbje ekonomike ne nuk do të votojmë asnjë legjislacion në parlament si 6 deputetë, deri në momentin e shkarkimit në fjalë, duke ftuar në praninë tuaj edhe njëherë kryeministrin që të ndërmarr hapat e nevojshme në drejtim të shkarkimit të menjëhershëm të personit në fjalë.
Ne presim që Kryeministri dhe Presidenti të ndërmarrin hapat e nevojshme sa më shpejtë që është e mundur….” /Telegrafi/
Lufta Prigozhin - Putin
Më shumëAksident i rëndë në Suharekë, dy të vdekur
Regjistrimi i diasporës: Çfarë përfiton Kosova?
Një muaj paraburgim ndaj boshnjakut që dyshohet për krime lufte kundër shqiptarëve në Gjakovë
LDK u vendos “vija të kuqe” të gjitha partive politike për koalicione parazgjedhore
Dobësimi i Euros në Shqipëri shtrenjton paketat turistike
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur