LAJMI I FUNDIT:

Deputetët nuk pajtohen me vendimin e KPM-së ndaj Art Motion

Deputetët nuk pajtohen me vendimin e KPM-së ndaj Art Motion

Deputeti i Nismës Socialdemokrate, Milaim Zeka, në pikën e të ndryshme të komisionit parlamentar për Media është shfaqur kundër vendimit të Komisionit të Pavarur për Media për t’ia ndaluar operatorit Art Motion transmetimin e ligës së kampionëve dhe Evropa Ligës në gjuhën serbe brenda territorit të Kosovës.

Zeka ka thënë se do të kërkojë shkarkimin e zyrtarëve që kanë marrë këtë vendim.


“Arsyeja pse e kom mbrojtur ‘Artmotion’ është që mos me paguar Kosova miliona euro nëpër gjykata të Arbitrazhit. Do të kërkoj shkarkimin e çdo zyrtari të KPM-së që ka qu dorën për me marr këtë vendim”.

Zeka ka deklaruar se KMP-ja nuk ka pasur të drejtë që në emër të komisionit parlamentar për Medie të marrë vendim kundër “Artmotion”.

“Nuk mendoj kryetar si ti e Valoni. Se ju futbollin kumbllat i vendosni në politikë. KPM-ja s’ka pasur të drejtë të marrë vendim duke u thirrur në komisionin tonë. Pasi jeni kaq të zotë pse s’po ia ndalon radio televizionit të Serbisë me u shfaq në Kosovë”.

Deputeti i LDK-së, Imet Rrahmani, ka kërkuar mbledhje të jashtëzakonshme të komisionit parlamentar për të vlerësuar transkriptat, pasi vlerësoi se kërkesa e komisionit parlamentar ndaj KPM-së është anashkalimi punës se komisionit të Kuvendit.

“Ta bëjmë një mbledhje urgjente, të shohim transkripten. Kjo kërkesë është anashkalimi i komisionit. Ne nuk kemi konstatuar, veç kemi ngrit dilema dhe s’kemi thënë që KPM-ja me ia ndalu as ‘Art Moton’ e as ‘Kujtesës’ transmetimin. Futja e këtij pasusi është shkelje nga ana juaj kryetar”.

Deputetja e PSD-së, Shqipe Pantina, tha se vlerësimin nëse është shkelur Kushtetuta apo jo me veprimin e Art Motion”, e jep vetëm Gjykata Kushtetuese.

“A është shkelë Kushtetuta e interpreton vetëm Gjykata Kushtetuese”.

Deputeti i LVV-së, Valon Ramadani, ka mbështetur vendimin e KPM-së, duke thënë se transmetimi i ndeshjeve nga Radio televizioni i Serbisë është shkelje e Kushtetutës së Kosovës.

“Unë mendoj që është anti-kushtetuese me u transmetuar një lojë futbolli ku merret nga Radio Televizioni i Serbisë kur kemi një kompani që ka fituar të drejtën nga UEFA për transmetim. KPM-ja ka marrë vendim të mirë”.

Kryetari i komisionit parlamentar, Nait Hasani, vlerësoi se UEFA duke i dhënë të drejtë kompanisë Art Motion për transmetimin e ndeshjeve nga Beogradi, është shkelje dhe cenim i territorit të Kosovës, raporton EO.

“Kemi shkelje nga UEFA e cila s’ka të drejtë t’i jap Beogradit e Beogradi t’i jap Kosovës. Këtu është shkelja kushtetues. Cenimi i territoreve është edhe përmes valëve. UEFA ka shkel territorin e Kosovës sepse na ka njoft më 2016. Unë nuk mbroj interesat e kompanive private, mbroj interesat e shtetit”.

Mbledhja e radhës se komisionit u caktua për të enjten në orën 10, nëse Kuvendi nuk mban seancë. /Telegrafi/

Në trend Lajme

Më shumë
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania

Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania

Lajme

"Daily Mail" shkruan për kosovarin me nënshtetësi angleze që po mbahet në një burg ferri në Serbi

Lajme
Gashi: Mandatori i ardhshëm për kryeministër duhet së pari të flasë me ne

Gashi: Mandatori i ardhshëm për kryeministër duhet së pari të flasë me ne

Lajme
Pasuria e kryetarit të Suharekës e deklaruar në Agjencinë për Parandalimin e Korrupsionit

Pasuria e kryetarit të Suharekës e deklaruar në Agjencinë për Parandalimin e Korrupsionit

Lajme
Hyri ilegalisht nga Serbia në Kosovë, policia ndalon të dyshuarin

Hyri ilegalisht nga Serbia në Kosovë, policia ndalon të dyshuarin

Kronika e Zezë
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30

Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30

Lajme
Kalo në kategori