Depp do ta bëjë regjinë e parë pas 25 vitesh, Al Pacino do të jetë producent i filmit biografik për artistin italian Modigliani

Johnny Depp dhe Al Pacino pritet të realizojnë një film për Amedeo Modigliani, piktori italian që vdiq në varfëri në vitin 1920, por që më vonë u bë i famshëm për pikturat e tij nudo me fytyra dhe me gjymtyrë të zgjatura.

Siç shkruan Hollywood Reporter, në vitet e tetëdhjeta, Al Pacino dëshironte të bënte një film për piktorin e përmendur së bashku me regjisorin e njohur, Martin Scorsese, por në fund ata e braktisën projektin.

Deri më tani, nuk janë bërë të ditura detaje për kastin, por meqenëse Modigliani vdiq në moshën 35 vjeçare, nuk ka gjasa që Depp ose Pacino ta luajnë rolin e artistit.

Filmi do të përshtatet nga drama e Denis McIntyre, “The Modigliani”, e cila u botua në vitin 1979.

Komploti zhvillohet në vitin 1916 gjatë një periudhe krize në jetën e piktorit dhe shfaq gjithashtu artistët e tjerë Maurice Utrilo dhe Chaim Sutin, si dhe poeten Beatrice Hastings, e cila ishte e dashura e Modiglianit në atë kohë.

Lexo po ashtu Dy këngë nga albumi i ri i Johnny Depp janë frymëzuar nga gjykimi me Amber Heard

Ky do të jetë filmi i dytë i Deppit si regjisor, 25 vjet pasi drejtoi filmin “Brave”, ku luajti së bashku me legjendën Marlon Brandon, derisa Al Pacino do të jetë producent.

Kujtojmë që dy aktorët e famshëm luajtën bashkë në ekran në filmin e vitit 1997, “Donnie Brasco”. /Telegrafi/